काँग्रेस, आरजी जिल्हो पंचायत पोटवेंचणूक लडयतले

भांगरभूंय | प्रतिनिधी

पोटवेंचणुके निमतान जनमताच्या कौलाचो येतलो अदमास

भांगरभूंय I प्रतिनिधी
पणजी : जिल्हो पंंचायतीच्या तीन मतदारसंंघांतली पोटवेंचणूक काँग्रेस तशेंच आरजी लडयतली. भाजपाची तयारी पुराय जाल्या. इत्सूक उमेदवारांंनी प्रचार सुरू केला, अशें प्रदेश भाजप अध्यक्ष सदानंंद शेट तानावडे हांंणी सांंगलांं. उमेदवारांंच्या नांवांचो विचार सुरू आसा. दोन दिसांंत निर्णय जातलो, अशें रिव्होल्युशनरी गोवन्साचे (आरजी) मुखेली मनोज परब हांंणी सांंगलें.
रेईश मागूश, कुठ्ठाळी आनी दवर्ली जिल्हो पंंचायती खातीर 16 ऑक्टोबराक मतदान जातले. वेंचणुकेची अधिसुचोवणी जारी जावन आचारसंंहिता लागू जाल्या. जिल्होधिकारी कार्यालयात नियंंत्रण कक्ष सुरू जाला.
काँग्रेस पक्ष पोटवेंचणूक लडयतलो. विचारविनिमय करून उमेदवार निश्चीत जातले, अशें प्रदेश अध्यक्ष अमीत पाटकार हांंणी सांंगलें. जिल्हो पंंचायतीच्या तीनूय मतदारसंंघांंत भाजप उमेदवार उबे करतलो. आनीक चार ते पांच दिसांंत उमेदवार जाहीर जातले. इत्सूक उमेदवारांंनी प्रचाराक सुरवात केल्या, अशें प्रदेश भाजप अध्यक्ष सदानंंद शेट तानावडे हांंणी सांंगलें.
जिल्हो पंंचायत वेंचणुके उपरांंत विधानसभा वेंचणुकेंत पक्षाक येस मेळ्ळें. पंंचायत वेंचणुकेंत लेगीत पक्षाच्या समर्थक कार्यकर्त्यांक लोकांंनी वेंचून दिलें. वेंचणुकेची पक्षाची तयारी पुराय जाल्या. उमेदवार जाहीर जावपाचे आसात, अशें सदानंंद शेट तानावडे हांंणी सांंगलें.
दवर्ली मतदारसंंघांतल्या उल्हास तुयेंकार वेंचून आयिल्ले. नावेली मतदारसंंघाचे आमदार जाले उपरांंत तांंणी जिल्हो पंंचायत वांगडीपदाचो राजिनामो दिलो. रेईश मागूश जिल्हो पंंचायतींतल्यान केदार नायक साळगांवचे आमदार म्हूण वेंचून आयले. आंंतोन वाझ हे कुठ्ठाळीचे आमदार जाल्ल्यान कुठ्ठाळी जिल्हो पंंचायतीची सुवात रिती जाल्या.
दवर्ली मतदारसंंघाचेर भाजपाचे वर्चस्व आसा. जिल्हो पंंचायती उपरांंत विधानसभा वेंचणुकेत नावेली मतदारसंंघाचेर भाजपान जैत मेळयलां. रेईश मागूश मतदारसंंघांत जैतिवंंत जाल्ले राजेश नायक आतां भाजपांत दाखल जाल्यात. राजेश नायक हांंकां लागून हो मतदारसंंघ भाजपा कडेन वता काय विरोधकांं कडेन, ताची उमळशीक आसा. कुठ्ठाळींत जिल्हो पंंचायती उपरांंत विधानसभा वेंचणुकेंत लेगीत अपक्ष आंंतोन वाझ हांंणी येस मेळयलें. हाका लागून कुठ्ठाळींत आतां आंंतोन वाझ हांंचे समर्थक बाजी मारतले काय भाजपाक येस मेळटलें, हे विशीं उमळशीक आसा.
काँग्रेसच्या आठ आमदारांंनी भाजपात प्रवेश केल्ल्यान ह्या आमदारांंचेर समाज माध्यमांतल्यान खर टिका सुरू आसा. हाका लागून जनमताचो कौल कोणाक मेळटलो, ते जिल्हो पंचायत पोट वेंचणुके उपरांंत कळपाक मजत जातली.

आरजी कडल्यान उमेदवारांंची चांचपणी
जिल्हो पंंचायत वेंचणूक लडोवपाचो पक्षाचो विचार आसा. हे विशीं अधिकृत निर्णय जावंंक ना. उमेदवारांंची चांंचपणी सुरू आसा. योग्य उमेदवार मेळ्ळे, जाल्यार आरजी तिनूय सुवातो लडयतले. हेर खंयच्याच पक्षा कडेन युती आसची ना. आरजी स्वबळाचेर वेंचणूक लडयतलो, अशें मनोज परब हांंणी सांंगलें.