भांगरभूंय | प्रतिनिधी
म्हापशें: बागा कळंगूटे पीस पर्ल बीच व्हिला ह्या रिलॉर्टाची एक कॉटेज उज्यांत लासून गोबोर जाली. तातूंत सुमार 11 लाखांचें लुकसाण जालें.
ही दुर्घटणां शेनवारा दनपारां 2 वरांच्या सुमाराक घडली. रिसॉटाच्या ह्या नवे एक माळयेचे लांकडी कॉटेजीचे वीज जोडणेची तपासणी सुरू आशिल्ली. ह्या वेळार शॉर्ट सर्कीट जालें आनी कांय खिणांतूच कॉटेजीक उजो लागलो. रिसॉर्ट कर्मचाऱ्यांनी फायर एस्टींग्यूशाचो वापर करून उजो पालोवपाचो यत्न केलो. तशेंच कुशीच्या हॉटेलांतले फायर हायड्रण्टाचो उरेग केलो. शेजारच्या लोकांनीय मजत केली. ताका लागून रिसॉर्टाच्या हेर कॉटेजींक उज्याचो धग लागलो ना.
म्हायती मेळटाच पिळर्ण उजो पालोवपी दळाचे जवान घडणुकेचे सुवातेचेर पावले आनी तांणी उजो पालयलो. हे दुर्घटणेंत पुराय कॉटेज लाशिल्ल्यान रिसॉर्टाचें सुमार 11 लाखांचें लुकसाण जालें. उजो पालोवपी दळाचे अधिकारी श्रीकृष्ण पर्रीकार हांच्या मार्गदर्शना खाला लाडू सावंत, साईश च्यारी, निखील सावळ, स्वप्नील नायक आनी जितेंद्र बली ह्या जवानांनी उजो पालयलो. कळंगूट पुलीस हवालदार गोविंद पटनायक हांणी पंचनामो केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
