भांगरभूंय | प्रतिनिधी
पणजी ः भारताची सगल्यांत तरूण संसदपटू ओडिशाची खासदार चंद्रानी मुर्मू हांणी हालींच लोटलेच्या बिग फुटाक भेट दिली. बिग फुटाच्या संग्रहालयांत प्रदर्शीत केल्ल्यो गोंयच्यो आर्विल्ल्यो वस्तू पळोवन ती प्रभावीत जाली. तांणी महेंद्र आल्वारीश हांची तोखणाय केली.
संत मीराबाईचें सगल्यांत मोटें शिल्प पळोवन चंद्रानी मुर्मू अजापीत जाली. हे भेटेंत म्हाका खूबश्यो आगळ्यो आनी अजापाच्यो गजाली पळोवंक मेळ्ळ्यो. खूब कितें शिकूंक मेळ्ळें अशें तांणी सांगलें आनी गोंयांत आयल्यार बिग फुटाक भेट दितलींच म्हणपाचें उतर दिलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
