भांगरभूंय | प्रतिनिधी
नितीन कुंकळ्येकार एमआयटीचे प्रेसिडंट एमिरेट्स
एमएआयटी ही भारतांतली एक मुखेल आयटी, दूरसंचार आनी इलॅक्ट्रॉनिक्स हार्डवेअर कंपनी. एमएआयटीच्या वांगड्यांत व्हड, मध्यम, ल्हान कंपनींचे प्रतिनिधी, डिझायन घरां, पीआरओ, प्रयोगशाळा आनी ओईएम, ओडीएम, ईएमएस क्षेत्रांतल्या उपशाखा संघटनांचो आस्पाव जाता. सिनेग्रा ईएमएसचे संचालक आनी मंडळ वांगडी नितीन कुंकळ्येकार हांची एमआयटीचे प्रेसिडेंट एमिरेट्स म्हूण नेमणूक जाल्या.
इलॅक्ट्रॉनिक्स, आयटी आनी दूरसंचार उद्देगांतल्या मुखेल वांगड्यांचे उपस्थितींत हालींच एमएआयटीची 39 वी वर्सुकी सादारण बसका जाली. ह्या वेळार एमएआयटीचे मावळटे अध्यक्ष नितीन कुंकळ्येकार हांणी इलॅक्ट्रॉनिक्स, आयटी आनी दूरसंचार हार्डवेअर उत्पादन क्षेत्रांक भारत सरकारान प्रगतीशील आनी रणनिती आदार दिल्ल्या खातीर उपकार मानले. तशेंच 2022-2024 ह्या काळा खातीर एमएआयटीच्या नव्यान नेमिल्ल्या प्रशासकीय समितीक परबीं दिली.
डेल इंटरनॅशनल सर्विसेस इंडिया प्रायव्हेट लिमिटेडचे उपाध्यक्ष आनी वेवस्थापकीय संचालक – सीएसबी राज कुमार ऋषी एमएआयटीचे 28 वे अध्यक्ष म्हणून वेंचून आयले. जाल्यार कॅनन इंडिया प्रा. लिमिटेड जनरल कावन्सिल आनी संचालक, कंपनी सचीव, अमृत जीवन आनी नेटवेब टेक्नॉलॉजीज इंडिया प्रा. लिमिटेडाचे वेवस्थापकीय संचालक संजय लोधा उपाध्यक्ष म्हणून वेंचून आयले.
एमएआयटी विशीं
एमएआयटी हो भारतांतलो मुखेल आयटी, दूरसंचार आनी इलॅक्ट्रॉनिक्स हार्डवेअर उद्देग. एमएआयटीक सरकारी मान्यताय मेळ्ळ्या आनी आयटी हार्डवेअर उद्देगाची वाड आनी उदरगत करपांत तिचो वांटो आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
