भांगरभूंय | प्रतिनिधी
जोशुआ डिसोझा आड डिलायला लोबो मदीं लडत
भांगरभूंय I प्रतिनिधी
पणजी : उपसभापतीपदा खातीर आयज भाजपाचे जोशुआ डिसोझा आनी काँग्रेसीची डिलायला लोबो हांचें मदीं वेंचणूक जातली. भाजपा वतीन जोशुआ डिसोझा हांणी जाल्यार काँग्रेसी वतीन डिलायला डिलायला लोबो हांणी अर्ज सादर केला.
उपसभापतीपदा खातीर अधिवेशनाच्या पयल्याच दिसा वेंचणूक जावपाची आशिल्ली. निमाण्या वेळार सभापती रमेश तवडकार हांणी वेंचणूक रद्द केली. आतां अधिवेशनाच्या निमाण्या दिसा वेंचणूक जातली. मगो सयत तीन अपक्षांचो तेंको आशिल्यान जोशुआ डिसोझा हांचें जैत निश्चीत आसा.
काँग्रेस सयत आरजी, गोवा फॉरवर्ड आनी आपाचो डिलायला लोबो हांकां तेंको आसा. डिलायला लोबो हांचें नांव कार्लोस फेरेरा हांणी सुचयलें. विजय सरदेसाय हांणी अनुमोदन दिलें.
हाचे पयलीं सुभाष फळदेसाय हांची उपसभापतीपदाचेर निवड जाल्ली. मंत्रीपदाचो सोपूत घेवचे पयलीं तांणी उपसभापतीपदाचो राजिनामो दिलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
