भांगरभूंय | प्रतिनिधी
भांगरभूंय । प्रतिनिधी
काणकोणः 12 वर्सां पिरायेचें एरिका दे सिक्वेरा तुर्कीची राजधानी इस्तानबुलांत जापपी 10वे तोंग-इस मू-दो (टीआयएमडडी) मार्शल आर्ट संवसारीक करंड सर्तींत भारताचें प्रतिनिधीत्व करतलें. हे सर्तींत वांटेकार जावपी एरिका हे भरातीय पंगडांतलें सगल्यान ल्हान सर्तक आसा.
30 जुलय तें 4 ऑगस्ट मजगतीं इस्तानबुलांत जावपी सर्तीत एरिका वांगडा गोंयचो करण पंडित वांटो घेतलो. तांचो कोच रौनक सिंग तांच्या वांगडा आसतलो. संवसारांतले 30 देश हे सर्तींत वांटो घेतले. एरिका पिरायेच्या 9 वर्सां सावन तोंग-इस मू-दो सराव करता. कोच रौनक सिंग आनी आवय ब्लॉसी कडल्यांत ताका बरी ऊर्बां मेळटा. 2021 वर्सा दक्षीण कोरियांत जाल्ले सर्तींत एरिकान ताच्या गटांत पयलेच फावट रुप्या तशेंच कास्या पदक मेळयल्लें. मात कोरोना म्हामारीक लागून ही सर्त व्हर्च्युअल पदद्तीन घेतिल्ली. केनियांत मोम्बासांत जाल्ले सर्ती खातीर एरिकाची भारताचें प्रतिनिधीत्व करपा खातीर निवड जाल्ली. मात अर्थीक फाटबळ आनी कोवीड निर्बंधांक लागून ताका हे सर्तींत वांटेकार जावपाक मेळ्ळें ना. गोंय सरकाराक कडल्यान लेगीत ताका मजत मेळपाक शकली ना.
एरिका सध्या काणकोण तालुक्यांतल्या राजबाग दर्या वेळेर दिसपट्टो सराव करता. टीआयएमडी मार्शल आर्ट सर्तींत सॅपारींग, फॉर्म्स आनी प्रात्यक्षिकांत वांटो घेतलें. इस्तानबूल सर्तींत भारता खातीर भांगरा पदक जिखपाची म्हजी इत्सा आसा. मात हे सर्तींत वांटो घेवपाक मेळचो म्हणून मुख्यमंत्री डॉ प्रमोद सांवत आनी खेळां मंत्री गोविंद गावडे आनी हेर संबंदितां कडल्यान हांव मजतीची अपेक्षा करतां अशें एरिकान सांगलें.
एरिाका सिक्वेरा पणजे- दोनापावलच्या अवर लेडी ऑफ रोझरी हायस्कुलांत 7वे यत्तेंत शिकता वर्ल्ड मास्टर मार्शल आर्ट सर्तींत 2021 वर्सा वांटो घेवपी ते भारतातलें एकसुरें चली आशिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
