भांगरभूंय | प्रतिनिधी
दुबावितांच्या जामीन अर्जाचेर आयज निवाडो
भांगरभूंय I प्रतिनिधी
पणजी : आसगांव-बार्देसांतली जमीन बळकावप प्रकरणांत तपास करपी विशेश पथकान (एसआयटी) रायसन रॉड्रिग्स हांचे सयत राजकुमार मैथी आनी सेड्रीक फर्नांडीस ह्या तिगांक अटक केल्ली. तांकां न्यायालयान पयलीं पांच दीस पुलीस कोठडी फर्मायिल्ली. ती सोंपले उपरांत आनीक दोन दीस पुलीस कोठडेंत दवरपाचो आदेश दिला. जाल्यार दुबावितांनी दाखल केल्ल्या जामीन अर्जा विशीं न्यायालय शुक्रारा निर्णय घेतले.
ह्या प्रकरणांत जमनीच्या धनयान एसआयटी कडेन कागाळ केल्ली. ते प्रमाण दुबावीत ब्रांका दिनीज, पावलिना दिनीज, मारियानो गोन्साल्वीस आनी राॅयसन रॉड्रिग्ज ह्या चौगांनी हणजूणेंतली सर्व्हे क्रमांक 493/2तली सुमार 950 चौ. मि. जमनीचे 1951तले बनावट विक्रीपत्र (सेल डीड) तयार केले. ते उपरांत दुबावितांनी 6 ऑगस्ट 2021 दिसा बनावट वारसदार प्रमाणपत्र (सस्केशन डीड) तयार करून बार्देस मामलेदारां कडल्यान म्युटेशन करपांत येसस्वी जाल्ल्याचे कागाळेंत नमूद केलां.
हाची दखल घेवन एसआयटीचे मुखेली तशेंच अधिक्षक निधीन वाल्सन हांच्या मार्गदर्शना खाला पुलीस निरिक्षक नितीन हळर्णकार हांणी दुबावितां आड भा.दं.सं.च्या कलम 465, 466, 467, 471, 419, 420 आनी आर डब्ल्यू 34 खाला गुन्यांव दाखल केला.
एसआयटीन मुळावो तपास करून मंगळारा सकाळीं कुंकळ्ळीच्या मारियानो गोन्साल्वीस आनी पाल्मिरा गोन्साल्वीस हांचे सयत शिवोलेच्या रॉनी रॉड्रिग्स ह्या तिगांक अटक केल्ली. उपरांत म्हापशें पयलो वर्ग न्यायालयान तिगांची सशर्त जामिनाचेर सुटका केल्ली.
एसआयटीन 19 ऑगस्टाक मुंबयंतल्यान रॉयसन रॉड्रिग्स हाका अटक केल्ली. जाल्यार ताचे साथीदार राजकुमार मैथी आनी सेड्रीक फर्नांडीस हाका 20 ऑगस्टाक म्हापश्यां ताब्यांत घेवन अटक केल्ली. ते उपरांत एसआयटीन आसगांव-बार्देसांतली जमीन बळकावप प्रकरणांत आनीक गुन्यांव दाखल केल्यात.
ह्या प्रकरणांत वयल्या तिगांय दुबावितांक न्यायालयान पयलीं पांच दीस पुलीस कोडडी फर्मायिल्ली. तो सोंपले उपरांत आनीक दोन दीस पुलीस कोठडेंत दवरपाचो आदेश दिला. तशेंच तिगांयच्या जामीन अर्जा वयलो निवाडो शुक्रारा मेरेन राखून
दवरला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
