आयूष हॉस्पिटलाचें उक्तावण जुनांत

भांगरभूंय | प्रतिनिधी

पेडणें : पेडणें म्हालांतल्या 13 व्या आंतरराष्ट्रीय विमानतळ प्रकल्पावेल्यान पयलो उड्डाण पूल 15 ऑगस्टाक जातलो. तशेंच आयूष हॉस्पिटलाचें उक्तावण जुनाच्या पयल्या सप्तकांत जातलें. जाल्यार आंतराष्ट्रीय क्रिकेट स्टेडियम उबारतले, अशी घोशणा मुख्यमंत्री डॉक्टर प्रमोद सावंत हांणी पेडणें पालिकेचे नवे प्रशासकीय इमारतीच्या भुमीपुजना वेळार केली. 

पेडणें पालिकेचे नवे प्रशासकीय इमारतीचेर वट्ट 9 कोटी रुपया खर्च करतले. ह्या कामाचो शुभारंभ जरी काल जाला तरीय हाचें काम वेंचणुको जाल्या उपरांत कंत्राटदारान सुरू केलां. 

ह्या वेळार पेडणेंचे आमदार प्रवीण आर्लेकार, मांद्रेंचे आमदार जित आरोलकार, पेडणें नगराध्यक्ष उषा नागवेंकार, उपनगराध्यक्ष मनोज हरमलकार, मुख्याधिकारी मनीष केदार, भाजप मंडळ अध्यक्ष तुळशीदास गांवस, नगरसेवक सिद्धेश पेडणेंकार, नगरसेवक शिवराम तुकोजी, नगरसेवक माधवी सिनाय देसाय, नगरसेवक सिद्धेश पेडणेंकार, नगरसेविका तृप्ती सावळ देसाय, नगरसेविका विषाखा गडेकार, नगरसेविका राखी कशाळकार आनी हेर हाजीर आशिल्ले. 

आमदार प्रवीण आर्लेकार हांणी, आपूण उलोवचो ना. करून दाखयतलों, हाचेंच हें एक उदाहरण. आयज पेडणें पालिका प्रशासकीय इमारतीचें काम सुरू जालां. ह्या कामा खातीर मुख्यमंत्र्यान योगदान दिलां. येवपी काळांत प्रत्येक मतदारसंघाची प्रत्येक गांवांगांवांत उदरगत पावोवपा खातीर आनी मुख्यमंत्र्यान आपली हस्तकला महामंडळाच्या चेअरमन पदार जी आपली निवड केली ताका लागून आपूण ह्या महामंडळाक न्याय दितना आपल्या पेडणें तालुक्यांत जी कला आसा ती कला आपूण पुराय राज्यांत पावोवपाचो यत्न करतलों अशें तांणी म्हणलें. 

     मांद्रेंचे आमदार जित आरोलकर हांणी, पुराय पेडणें म्हालाची उदरगत करतना मुख्यमंत्री डॉ. प्रमोद सावंत हांचे कडेन एक मागणी आसा, पेडणें शारांत दर बिरेस्तारा रस्त्यार जो बाजार भरता तो हेर सुवातेर भरपाक सरकारान यत्न करचे. हाची बेगीनूच वेवस्था करून एक नुस्तें मार्केट हांगा उबारचें अशी मागणी तांणी केली. 

ह्या वेळार नगराध्यक्ष उषा नागवेंकार आनी नगराध्यक्ष उषा नागवेंकार हांणी आपले विचार मांडले.     शिक्षक राजू बोंद्रे हांणी सुत्रसंचालन केलें आनी उपनगराध्यक्ष मनोज हरमलकार हांणी उपकार मानले.