भांगरभूंय | प्रतिनिधी
जीसीसीआय कडेन समजिकाय करार : शिश्टमंडळान घेतली मुख्यमंत्र्यांची भेट
पणजी : इन्स्टिट्यूट ऑफ कंपनी सेक्रेटरीज ऑफ इंडियाच्या (ICSI) गोंय विभागान शेनवारा क्षमता-निर्मिती कार्यावळीचो एक वांटो म्हणून एक दिसाची परिशद आयोजीत केली.
मिरामार-पणजी हांगच्या एका हॉटेलांतजाल्ले हे परिशदेक आयसीएसआयचे वांगडी, विद्यार्थी आनी हेर वेवसायीक हजर आशिल्ले. आयसीएसआयचे अध्यक्ष देवेंद्र देशपांडे हांणी हे परिशदेक भेट दिवन वांगडी, विद्यार्थी आनी हेरांक मार्गदर्शन केलें.
पुण्याचो कंत्राटी कायदो तज्ञ निलीमा भडभडे हांणी ‘कंत्राटी कायदो’ ह्या विशयाचेर मार्गदर्शन केलें. भारतीय राष्ट्रीय स्टॉक एक्सचेंज, मुंबयचे वरिश्ठ अधिकारी गगनदीप सिंग हांणी ‘SMEs वाडी खातीर भांडवल बाजारा वरवीं निधीचो पर्यायी स्रोत’ हाचेर मार्गदर्शन केलें.
आयसीएसआयच्या गोंय विभागाचे अध्यक्ष सीएस प्रवीण सातार्डेंकार हांणी हे विशीं पत्रकारांक म्हायती दिली. ICSIन गोंय विभागा वरवीं गोवा चेंबर ऑफ कॉमर्स अँड इंडस्ट्री कडेन (GCCI) सहकार्य करपाविशीं समझोता केलो.
सीएस प्रवीण सातार्डेंकार हांणी जीसीसीआयचे अध्यक्ष राल्फ डिसोझा आनी सीएस देवेंद्र देशपांडे हांचे उपकार मानले. दोनूय संस्थां मदीं सहकार्य वाडोवपाच्या ह्या म्हत्वाच्या खिणा खातीर आमी सकारात्मक आशिल्ल्यान ह्या दोनूय संस्थांचें सहकार्य भागधारकां खातीर उपेगी थारतलेें, अशें सातार्डेंकार हांणी म्हणलें.
हे कार्यावळी खाला फुडल्या मुद्द्यांचेर सहकार्य निश्चीत केलें.
– कायदो, वेवस्थापन, वेवसाय, लेखा, लेखापरीक्षण आनी हेर मळांचेर विद्यार्थी, वेवसायीक आनी उद्देजकां खातीर समान कार्यावळ.
– खर्च उणो करपा खातीर संसाधनांचो समान वापर. जाका लागून विद्यार्थ्यां खातीर चड दर्जेदार वेवसायीक कार्यावळ आयोजीत करप बरें जातलें.
– ICSI ची संवसारीक पांवड्यार वळख आसा. हेर खूबशे वेवसायक संस्थां वांगडा समजिकाय करार आसा. ताका लागून गोंयचे विद्यार्थी आनी वेवसायिकांक संदी निर्माण जातली.
– दोनूय संस्था वेवसाया कडेन संबंदीत म्हायतीची देवाण घेवाण करूंक शकतात.
– दोनूय संस्था सामान्य अर्थीक म्हायती दिवपा घेवपाक संमती दिवपाक शकतात.
मजगतीं, आयसीएसआयच्या शिश्टमंडळान मुख्यमंत्री डॉ. प्रमोद सावंत हांची भेट घेतली. ह्या शिश्टमंडळाचें नेतृत्व आयसीएसआयचे अध्यक्ष सीएस देवेंद्र देशपांडे आनी गोवा विभागाचे अध्यक्ष सीएस प्रवीण सातार्डेंकार हांणी केलें. मुख्यमंत्र्यांक आयसीएसआयन राबयल्ल्या उपक्रमांची म्हायती दिली. हे विशीं मुख्यमंत्र्यांनी समाधान उक्तायलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
