भांगरभूंय | प्रतिनिधी
अजीत रॉय, निधीन वाल्सन, अस्लम खान, अभिषेक धानिया हांचो आस्पाव
भांगरभूंय । प्रतिनिधी
पणजीः मुख्यमंत्री डॉ. प्रमोद सावंत हांचे सचीव तशेंच आयएएस अधिकारी अजीत रॉय हांचे सयत उत्तर गोंय पुलीस अधिक्षक आयपीएस निधीन वाल्सन, दक्षीण गोंय अधिक्षक अभिषेक धानिया आनी आयपीएस अस्लम खान हांची गोंयांतल्यान बदली जाल्या. जाल्यार ई. वालावन, अंकीत यादव हांचे सयत एन्कावंटर स्पेशलिस्ट राजबीर सिंग हांचो पूत रोहीत सिंग आनी राहूल गुप्ता ह्या आयपीएस अधिकाऱ्यांची हेर राज्यांतल्यान गोंयांत बदली जाल्या.
केंद्रीय गृहमंत्रालयान सोमारा हे विशींचो आदेश जारी केला. आयएएस अजीत रॉय हांची गोंयांतल्यान मिझोरमांत, जाल्यार आयपीएस निधीन वाल्सन, अस्लम खान आनी अभिषेक धानिया हांची दिल्लींत बदली जाल्या. 2012 च्या एग्मू कॅडराचे आयएएस अधिकारी ई. वालावन हांची पुदुच्चेरींतल्यान अंकीत यादव हांची अंदमान आनी निकोबारांतल्यान जाल्यार आयपीएस अधिकारी रोहीत राजबीर सिंग आनी राहूल गुप्ता हांची अरुणाचल प्रदेशांतल्यान गोंयांत बदली जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
