भांगरभूंय | प्रतिनिधी
भांगरभूंय । प्रतिनिधी
सांगेंः सांग्यांतल्या प्रस्तावीत आयआयटी प्रकल्पाक विरोध करपी णव शेतकारांक सांगेंच्या उपजिल्होधिकाऱ्यान समन्स धाडल्यांत. आयआयटीक विरोध करतल्यांची सतावणूक करपाचो हो प्रकार आसा अशी चर्चा सध्या सांग्यार चलता.
अॅड स्लोम रॉड्रिग्ज हांणी उपजिल्होधिकाऱी न्यायालयांत शेतकारांची बाजू मांडली. लोकशायेंत दरेका नागरिकाक आपलो विचार मांडपाचो अधिकार आसा आनी तो कोणूच झोमून घेवपाक शकना. संविधानान लोकांक विचार स्वातंत्र्य दिलां. आपल्याक जें दिसता तें सांगतल्यांचेर अशे तरेन समन्स काडप म्हटल्यार दडपशाय आसा अशें तांणी पत्रकारां कडेन उलयतना सांगलें.
शेतकारांनी संबंदितां कडल्यान रितरस परवानी घेवन आयआटीचेर भासाभास करपा खातीर सभा आयोजीत केल्ली. तांणी कसलीच केली ना तरीय आयआयटी विरोधकां मदीं दशहत तयार करपा खातीर समन्स धाडून शेतकारांची छळणूक सरकारान चलयल्या असो आरोप सभेचो एक आयोजक मिल्टन फर्नांडीस हांणी केला. शेतकार आपल्या न्याय हक्कां खातीर शांततायेन आपलो लडो चालूच दवोरतले अशें तांणी स्पश्ट केलां.
समन्य धाडिल्ल्या शेतकारांनी सांग्यार उपजिल्हो कार्यालया सामकार निदर्शना करून आपली तिडक उक्तायली. ‘आमच्यो जमनी आमकां जाय’ अशो घोशणा तांणी दिल्यो. शेतकारांचो आवाज अंदवपाचो सरकारान यत्न केल्यार तो सोसून घेवचे नात अशी शिटकावणी शेतकारांनी दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
