भांगरभूंय | प्रतिनिधी
भांगरभूंय प्रतिनिधी
काणकोणः अखील गोंय आंतर कॉलेज क्रॉसकंट्री सर्तींत देळें- काणकोणच्या श्री मल्लिकार्जुन आनी श्री चेतन मंजू देसाय कॉलेजीच्या चलयांच्या पंगडान पयली सुवात मेळयली. पिलारच्या फादर आग्नेल कॉलेजीन ही सर्त आयोजीत केल्ली. मल्लिकार्जुन कॉलेजीच्या पंगडान केपेंच्या सरकारी कॉलेज पंगडाक हारयलें.
क्रॉसकंट्री चॅम्पियन सर्तीत मल्लिकार्जुनाच्या सपना वेळीप हाणे दुसरी, सीता गोसाय हाणे तिसरी, भावना वेळीपान चवथी, अंकिता वेळीपान सातवी आनी निकिता वेळीप हाणे इकरावी सुवात मेळयली. ताकां सावियो लैतांव हांणी प्रशिक्षीत केल्लें. कॉलेजीच्या चलयांच्या पंगडान मेळयल्ल्या ह्या येसा खातीर कॉलेजीचे प्राचार्य डॉ मनोज कामत, शिक्षक वर्ग आनी पालकांनी तांकां परबीं भेटयल्यांत
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
