भांगरभूंय | प्रतिनिधी
बेळगांव: अॅपटेक एव्हिएशन अकादमीच्या मराठी आनी कन्नड माध्यमांतल्यान शिकिल्ल्या आनी गांवगिरे फाटभुंयेंतल्यान आयिल्ल्या स विद्यार्थ्यांचो मंगळारा अकादमी वतीन भोवमान केलो. रोटेरियन किर्ती सुरंजन ह्यो सुवाळ्याच्यो मुखेल सोयऱ्यो आशिल्ल्यो. जाल्यार केएलई बीव्ही बेलाड म्हाविद्यालयाचे प्राचार्य नरसिंहा हे मानाचे सोयरे म्हूण हाजीर आशिल्ले.
प्रवीण सदलगी, शुभांगी गिरबिडे, मुस्कान मुल्ला, थामोदरम, तस्मिया मुल्ला हांची विवीध एरलायन्सा खातीर एर क्रू म्हूण वा वेगळ्यावेगळ्या एरलायन्सा वरवीं विमानतळांचेर निवड जाली.
अॅपटेक एव्हिएशनाचे संचालक विनोद बामणे हांणी अकादमी वरवीं दिल्ल्या प्रात्यक्षीक प्रशिक्षणाची म्हायती दितना सांगलें, गांवगिरी फाटभूंय वा थळाव्या माध्यमांतल्यान चडशे विद्यार्थी विमान येरादारी आनी सरबराय उद्देगांत येस मेळयतात.
किर्ती सुरंजन हांणी विद्यार्थ्यांचें अभिनंदन केलें आनी म्हणलें, गांवगिरे फाटभुंयेंतल्यान आयिल्ल्या तरणाट्यांचे येस खूब मोलादीक आसा. गांवगिरे विद्यार्थी आनी पालकांनी अॅपटेक एव्हिएशनाच्या रोजगाराभिमूख प्रशिक्षणाचो लाव घेवचो अशें आवाहन तांणी केलें.
कार्यावळीक ज्योती बामणे, प्रकाश पाटील आनी विद्यार्थ्यांचे पालक हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
