भांगरभूंय | प्रतिनिधी
भांगरभूंय पत्रक
पणजीः संतोषपूर अनुचिंतन ह्या कोलकाता हांगच्या युवा रंगकर्मी संसथे वतीन गोंयची नाट्यकर्मी अनघा देशपांडे हाका तांच्या अभिजात तशेंस समकालीन रंगमाचेक दिल्ल्या योगदाना खातीर राष्ट्रीय प्रतिश्ठेचो उपा गांगुली यादस्तीक पुरस्कार दितले. कोलकाता हांगा तपन थिएटर हांगा 6 तें 8 मे मजगतीं हिद्य मंच ह्या राष्ट्रीय नाट्य महोत्सवाचें आयोजन केलां. 6 मेक महोत्सवाच्या उक्तावण कार्यावळींत ह्या पुरस्काराचें वितरण जातलें.
अनघा देशपांडे हांच्या अभिव्यक्ती- पणजीन निर्मणी केल्ल्या ‘स्पाइन’ हें नाटकाचो कोलकातांतल्या नाट्य महोत्सवात प्रयोग जातलो. महोत्सवांत गोंय, आसाम, नवी दिल्ली, मध्य प्रदेश आनी पश्चीम बंगाल ह्या पांच राज्यांतल्या नाटकांचो आसपाव आसा. 7 मेक सांजे 5 वरांचेर बायलांच्या काणयांचेर आदारीत ‘स्पाइन’ हें अनघा देशपांडे हांणी बसयल्ल्या नाटकाचो प्रयोग जातलो.
अनघा देशपांडे पणजेच्या निर्मला इन्स्टिट्यूट ऑफ एज्युकेशनांत सादरीकरण कला ह्या विशयाची साहाय्यक प्राध्यापिका आसात. स्पाइन नाटकांत तांणी फाटीच्या कण्याचें म्हत्व प्रभावी घटकांची माळ तशेंच खांख्यिकीय म्हायतीचो उपेग केला. नाटकाचो आदार म्हणून महाराष्ट्रांतल्या मिरज हांगच्या डॉ गिरीश दातार हांच्या जिणे अणभवांचो, उपचार करतना तांचे सामकार आयिल्ल्यो समस्या तशेंच कांय विशिश्ट दुयेंतींच्या केशींचो उपेग केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
