भांगरभूंय | प्रतिनिधी
भांगरभूंय प्रतिनिधी
फोंडेंः फोंडे तालुको बुद्दिबळ असोसिएशनान गोंय बुद्दिबळ अॅडव्हॉक समितीच्या पालवान आयोजीत केल्ले चले आनी चलयांचे अखील गोंय अंडर 14 बुद्दिबळ सर्तीचे 6वे फेरयेच्या निमाणे चल्यांच्या उक्ते सर्तींत जॉय काकोडकार, साईराज वेर्णेकार हांणी 6 गुणांनी आनी चलयाचें सर्तींत श्रीलक्ष्मी कामत हिणे 6 गुणांनी आघाडी मेळयल्या.
सर्तींत चल्यांचे उक्ते सर्तींत 85 आनी चलयांचे सर्तींत 55 सर्तक वांटेकार जाल्यात. मंगेशी हांगच्या वागळे हायस्कुलाच्या देसाय प्रतिश्ठान हॉलांत ही बुद्दिबळ सर्त चल्ल्या. चलयांचे सर्तींत एल्टन वाझ, मयुरेश देसाय आनी विवान बाळ्ळीकार 5 गुणांनी दुसरे सुवातेर आसात.
चलयाचे सर्तींत श्रीया पाटील आनी शौर्या पेडणेकार हाचें दरेकी 5.5 आनी 5 गुण जाल्यात. श्रेयाली गांधी, वैष्णवी परब, अस्मिता रे आनी राशेल परेरा हांचे दरेकी 4 गुण जाल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
