भांगरभूंय | प्रतिनिधी
तुकाराम शेट हांका बाल साहित्य, तन्वी कामत बांबोळकाराक युवा पुरस्कार
भांगरभूंय । खबरां मेज
पणजीः साहित्य अकादेमीचे अध्यक्ष माधव कौशीक हांचे अध्यक्षते खाला जाल्ले अकादेमीच्या कार्यकारी मंडळाचे बसकेंत साहित्य अकादेमी बाल साहित्य आनी युवा पुरस्कार 2023ची घोशणा केली. कोंकणींत तुकाराम शेट हांकां ‘जाण’ कादंबरी खातीर बालसाहित्य जाल्यार तन्वी कामत बांबोळकार हांकां शॉट्स (कथा झेलो) पुस्तका खातीर साहित्य अकादेमीचो युवा पुरस्कार फावो जालो.
वट्ट 20 जाणांक साहित्य अकादेमी युवा पुरस्कार जाहीर जाल्यात. तातूंत विशाखा विश्वनाथ (मराठी), अतुल कुमार राय (हिंदी), जिंटू गीतार्थ (आसामी), हमीरुद्दीन मिद्द्या (बांग्ला), माइनावत्स्त्री दैमारी (बोडो), धिरज बिस्मील (डोगरी), अनिरुद्ध कानिसेट्टी (इंग्लीश), सागर शाह (गुजराती), मंजुनायक चळ्ळूरु (कन्नड) निगहत नसरीन (कश्मिरी), गणेश पुथूर (मल्याळम), नैना अधिकारी (नेपाली), संदीप (पंजाबी), देवीलाल महिया (राजस्थानी), बापी टुडू (संताली), मोनिका जे. पंजवानी (सिंधी), राम थंगम (तामीळ), जॉनी तक्केदासिला (तेलुगू) आनी तौसीफ बरेलवी (उर्दू) ह्या साहित्यिकांचो आस्पाव आसा.
मौथिली, मणिपुरी आनी संस्कृत भाशेंतले पुरस्कार उपरांत जाहीर करतले. अंदूं ओडिया भाशेक पुरस्काराची घोशणा करूंक ना.
साहित्य अकादेमीचो बाल साहित्य पुरस्कार तुकाराम शेट हांकां ‘जाण’ कोंकणी कादंबरी खातीर जाहीर जाला.
बाल साहित्य पुरस्काराचे हेर जैतिवंत फुडें दिल्ले प्रमाण- एकनाथ आव्हाड (मराठी), सुधा मूर्ती (इंग्लीश), सूर्यनाथ सिंह (हिंदी) गुरमीत कडिआलवी (पंजाबी), स. मतीन अचालपुरी (उर्दू), रॅथींद्रनाथ गोस्वामी (असामिया), प्रतिमा नंदी (बोडो), श्यामलकांती दास (बांग्ला), बलवान सिंह (डोगरी), रक्षबेहन प्रल्हाद राव दवे (गुजराती), विजयश्री हालादि (कन्नड), अक्षय आनंद सन्नी (मैथिली), प्रिया ए. एस. (मल्याळम), मधुसुदन विष्ट (नेपाली), जुगल किशोर षंडगी (ओडिया), किरण बादल (राजस्थानी), राधावल्लभ त्रिपाठी (संस्कृत), मानसिंह माझी (सताली), ढोलणू राही (सिंधी), उदयशंकर (तामीळ), डी. के. चादुवुल बाबु (तेलुगु). अंदूं कश्मिरी भाशे खातीर बाल साहित्य पुरस्कार दिवंक ना. मणिपुरी भाशेंतलो पुरस्कार कांय दिसांनी जाहीर करतले. पुरस्कार जैतिवंतांक एके खाशेले कार्यावळींत ताम्रपट आनी 50 हजार रुपया भेटयतले, अशें संबंदितांनी कळयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
