भांगरभूंय | प्रतिनिधी
जूनांत 8 दिसांत 70% पावस; आयज ऑरेंज अलर्ट
पणजीः मुरगांवांत फाटल्या 24 वरांत सगल्यांच चड 5 इंच पावस पडला. ते उपरांत काणकोणांत 4.50 इंच आनी दाबोळींत 4 इंच पावस पडला. अंदूं आतां मेरेन पावसाच्या हंगामांत मुरगांवां सगळ्यांत चड 35 इंच पावस पडला, जाल्यार वाळपय सगळ्यांत उणो 21.45 इंच जाला. म्हयन्याच्या निमाण्या आठ दिसांनी जून म्हयन्यांतल्या वट्ट पावसांतल्यान 70 टक्के पावस पडला.
11 जून दिसा पावस राज्यांत पावलो. ते उपरांत म्हयन्याचे अखेरेक नेटान पावस पडलो. हाका लागून पावसाची सरासरी तूट व्हड प्रमाणांत उणी जाल्या.
हवामान खात्यान शेनवारा ‘ऑरेंज अलर्ट’ जारी केला. 4 जुलय मेरेन येलो अलर्ट जाहीर केला. शुक्रारा ते शेनवारा मेरेन राज्यांत 24 वरांत 3.35 इंच पावस पडला.
म्हापश्या चार रस्तो वाठारांत सर्व्हीस रस्त्याचेर फोंडकुलां आसात. पेडणे- मालपेंच्या रस्त्यांचेर चिखलाचें उदक येता. देखून ह्या मार्गाचेर अपघातांचो धोको वाडला. पावसाक लागून राजधानी पणजेंतल्या जायत्या रस्त्यांची स्थिती इबाडल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
