भांगरभूंय | प्रतिनिधी
मडगांव, प्रतिनिधी ः मुंबय सीएसएमटीचेर प्लॅटफॉर्म कामाक लागून कोंकण रेल्वे मार्गावेल्या तीन रेल्वे सटॉपांनी बदल केलां. 31 जानेवारी मेरेन मंगळूरू एक्सप्रेस – ठाणे आनी जनशताब्दी, तेजस – दादर स्टेशन मेरेन वतली.
सेंट्रल रेल्वे कडल्यान छत्रपती शिवाजी महाराज टर्मिनलाचेर 12 आनी 13 क्रमांकाच्या प्लॅटफॉर्माच्या विस्ताराच्या कामाकाक लागून कोंकण रेल्वे मार्गाचेर तीन गाडयो ठाणे आनी दादर स्टेशनां मेरेन थांबयतले. प्लॅटफॉर्माचे काम पुराय जावंक नाशिल्ल्यान ह्या गाडयांचे स्टॉप बदलल्यात. रेल्वेन दिल्ले म्हायती प्रमाण, रेल्वे क्र. 12134 मंगळूरू जंक्शन – मुंबय सीएसएमटी एक्सप्रेस 31 जानेवारी मेरेन ठाणे स्टेशन मेरेन चलतली.
रेल्वे क्र. 22120 मडगांव जंक्शन – मुंबय सीएसएमटी तेजस एक्सप्रेसाचोय प्रवास दादर स्टेशना मेरेन 31 जानेवारी मेरेन उणो केला. रेल्वे क्र. 12052 मडगांव जंक्शन – मुंबय सीएसएमटी जनशताब्दी एक्सप्रेस लेगीत 31 जानेवारी मेरेन दादर स्टेशन मेरेन वतली. प्रवाशांनी हाची नोंद घेवची असो उलो रेल्वे प्रशासनान केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
