भांगरभूंय | प्रतिनिधी
-300 वयर लोक जखमी, 800 घराचें लुकसाण
पश्चिम बंगालच्या जलपायगुडीच्या कांय वाठारांत आयतारा अचकींत आयिल्ल्या वादळाक लागून पांच जाणांक मरण आयलें, जाल्यार 300 परस चड जाण जखमी जाले. वादळा वांगडा पावसूय आयिल्ल्यान सुमार 800 घरांचें लुकसाण जालां. जायतीं झाडां आनी विजेचे खांब हुमटून पडल्यात. जलपायगुडीच्या भोवतेक वाठारांत आनी शेजारच्या मैनागुरींतल्या वाठारांत वाळदाक लागून व्हड फटको बसला. बंगालच्याे मुख्यमंत्री ममता बॅनर्जी आयतारा रातीं जलपायगुडींत दाखल जाल्यो आनी तांणी जलपायगुडी सुपर स्पेशालिटी हॉस्पिटलाक भेट दिवन जखमींची भेट घेतली. राज्य सरकार बादीत लोकांच्या फाटल्यान आसा. तांकां सगले तरेची मजत करतरले, अशे तिणें परिस्थितीचो नियाळ घेतले उपरांत सांगलें.
प्रधानमंत्री नरेंद्र मोदी हांणीय वादळांत मरण अायिल्ल्या खातीर दुख्ख उक्तायला. ताणी भाजप कार्यकर्त्यांक बादीत लोकांक मजत करपाचे आवाहन केलां. तशेंच अधिकाऱ्यांक योग्य ती मजत करपाक सांगलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
