भांगरभूंय | प्रतिनिधी
म्हापशें: तिस्क फोंड्यां घुंवळे वखदां विरोधी विभागान धाड घालून आनी दुबावीत फ्रेझर फर्नांडीस (32, तिस्क फोंडें) हाका अटक केली. दुबावितां कडल्यान 10 लाखांचो 10 कील गांजो जप्त केलो.
ही कारवाय पुलिसांनी मंगळारा फांतोडेर केली. तिस्क फोंड्यां घुंवळे वखदांची विक्री जावपाची आशिल्ल्याची म्हायती एएनसीच्या पुलिसांक मेळिल्ली. ते प्रमाण तांणी सांपळो रचून दुबाविताक धरलो.
पुलीस अधिक्षक शोबीत सक्सेना, उपअधिक्षक नेर्लान अल्बुकर्क हांच्या मार्गदर्शना खाला निरिक्षक अरूण गांवस देसाय, उपनिरिक्षक प्रियंका गारूडी, कॉन्स्टेबल रुपेश कांदोळकार, नितेश मुळगांवकार, सुमीत मुतकेकर, लक्ष्मण म्हामल आनी कुंदन पेटकार हांणी ही कारवाय केली.
दुबावीत आरोपी फ्रेझर फर्नांडीस हो बेकार तरणाटो आसा. ताचो घुंवळे वखदां विक्री वेव्हारांत आस्पाव आसून हातूंतल्यान मेळपी जोडीचेर तो आपली जीण जगतालो अशें पुलीस चवकशेंतल्यान उक्तें जालां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.