भांगरभूंय | प्रतिनिधी
इकराय उमेदवार जिखले; आतां सरपंचपदा खातीर सर्त
भांगरभूंय । प्रतिनिधी
पणजीः ताळगांव पंचायत परतून एकदां ताब्यांत दवरपाक मंत्री बाबूश मोन्सेरात हांकां येस मेळ्ळें. पंचायत वेंचणुकेंत बाबूश पॅनलाचे इकराय उमेदवार वेंचून आयले. आतां नवो सरपंच कोण हाचेर ताळगांवकारांच्यो नदरो लागल्यात.
ताशगांव पंचायतीच्या सात प्रभागां खातीर आयतारा 68.79 टक्के मतदान जाल्लें. 11 तल्या 1, 6, 10 आनी 11 प्रभागांतल्या उमेदवारांची आदींच बिनविरोध निवड जाल्ली. ताका लागून 7 प्रभागां खातीर मतदान घेतलें. सोमारा सकाळीं मतमेजणी जाले उपरांत 7 प्रभागांचो निकाल जाहीर केलो. तातूंत बाबूश पॅनेलाचे सगळेच उमेदवार वेंचून आयले.
मजगतीं, ह्या वेळार ताळगांव पंचायतीच्या वेंचणुकेंत मंत्री बाबूश मोन्सेरात हांच्या पॅनला आड इंडी आघाडीच्या घटक पक्षांनी एकठांय येवन उमेदवार दिल्ले. ताका लागून पंचायत वेंचणूक चुरशीची जातली, असो अदमास आशिल्लो. पूण बाबूश पॅनलाचे प्रभाग 1 ची उमेदवार सिद्धी केरकार, प्रभाग 6 ची एस्टेला डिसोझा, प्रभाग 10 चे सागर बांदेकार आनी 11 तले सिडनी पॉल बार्रेटो हांची बिनविरोध निवड जाल्ल्यान पंचायतीचेर परतून बाबूश गटाचीच सत्ता स्थापन जातली, हें स्पश्ट जाता. अपेक्षे प्रमाण काल निकाल जाहीर जाले उपरांत इकराय प्रभागांनी बाबूश हांच्याच पॅनेलाचे उमेदवार जैतिवंत जाले.
जैतिवंत उमेदवार
प्रभाग 1 : सिद्धी केरकार (बिनविरोध)
प्रभाग 2 : आग्नेल डिकुन्हा
प्रभाग 3 : हेलिना परेरा
प्रभाग 4 : रतिका गांवस
प्रभाग 5 : उशांत काणकोणकार
प्रभाग 6 : एस्टेला डिसोझा (बिनविरोध)
प्रभाग 7 : जानू रुजारिओ
प्रभाग 8 : मारिया जॉर्ज फर्नांडीस
प्रभाग 9 : संजना संदीप दिवकार
प्रभाग 10 : सागर बांदेकार (बिनविरोध) प्रभाग 11 : सिडनी पॉल बार्रेटो (बिनविरोध)
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.