भांगरभूंय | प्रतिनिधी
भांगरभूंय । प्रतिनिधी
दिवचलः शिक्षकी हो पवित्र पेशा आसा. शिक्षक नवनिर्मणी करपाक शकता. ते खातीर शिक्षकाची नोकरी करतल्यांनी त्या पेशाक न्याय दिवपाचो यत्न करात, अशें गोंय शालांत आनी उच्च माध्यमीक मंडळाचे अध्यक्ष भगिरथ शेट्ये हांणी राज्यांतल्या शिक्षकांक केलां.
दिवचलच्या लायन्स क्लबान घडोवन हाडिल्ल्या नारायण मराठे (राधाकृष्ण विद्यालय) आनी जॉन्सन मस्कारेन्हास (अवर लेडी ऑफ ग्रेस) ह्या शिक्षकांच्या भोवमान कार्यावळींत ते मुखेल सोयरे म्हणून उलयताले. हिराबाय झांट्ये सभाघरांत जाल्ले हे कार्यावळीक दिवचलचो आमदार डॉ चंद्रकांत शेट्ये, लायन्स क्लबाचो विभागीय अध्यक्ष विरेंद्र परेरा, दिवचल लायन्स क्लबाचो अध्यक्ष आझाद कडकडे, केतन आमोणकार, जयेश वेर्णेकार, रिषी पै हाजीर आशिल्ले.
विद्यार्थ्यांचें व्यक्तिमत्व घडोवपी शिक्षक श्रेश्ठ आसात अशें डॉ शेट्ये हांणी सांगलें. सुरवेक कडकडे हांणी येवकार दिलो, केतन आमोणकारान अहवाल सादर केलो. श्रृती जिरगे, सुप्रिया शेट्ये, सुप्रिया खर्बे, अनुरा आमोणकार हांणी मानेस्तांची वळख करून दिली. प्रणव झांट्ये हांणी लायन्स क्लबाचो वांगडी म्हणून सोपूत घेतलो. नेहाल शेट्ये आनी दुर्ज्या आमोणकारान सूत्रसंचालन केलें. ऋषी पै हांणी ध्वज सलामी दिली, जयेश वेर्णेकारान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
