भांगरभूंय | प्रतिनिधी
– 8 शिक्षकांचो ‘मुख्यमंत्री वशिश्ठ गुरू’ पुरस्कारान भोवमान
पणजी : शिक्षक दिसा निमतान पणजे मंगळारा 8 शिक्षकांक ‘मुख्यमंत्री वशिश्ठ गुरू’ पुरस्कारान भोवमानीत केले. राजभवन दरबार सभाघरांत जाल्ल्या सुवाळ्यांत मुख्यमंत्री डॉ. सावंत उलयताले. ह्या वेळार माचयेर शिक्षण खात्याचे संचालक शैलेश झिंगडे, सचीव प्रसाद लोलयेंकार, शंभू घाडी आनी पुरस्कार जैतिवंत शिक्षक हाजीर आशिल्ले.
फाटल्या कांय वर्सांत शिक्षण खात्यान विवीध समजिकाय कबलाती केल्यात. हे वरवीं आमी सरकाराचो एकूय पयसो खर्च करिनासतना शिक्षण क्षेत्रांत आधुनीक तंत्रज्ञान आनी नव्यो गजाली हाडटल्यो, अशें मुख्यमंत्री डॉ. सावंत हांणी सांगलें.
विद्यार्थ्यांक घडोवपाचें काम हे तांच्या पालकां परस शिक्षक चड बरे पद्दतीन करपाक शकतात. शिक्षकांक विद्यार्थ्यां खातीर बरो फुडार खंयचो, हे समजावपाक शकतात. फाटल्या पांच वर्सांत राज्यांत पर्जळींत फुडारा विशीं जायते पर्याय उपलब्ध जाल्यात. फक्त कला, विज्ञान फांट्यांत पदवी घेनासतना ह्या पर्यायांचो विचार जावप गरजेचें, हे विशीं शिक्षकांनी विद्यार्थ्यांक मार्गदर्शन करप गरजेचे आशिल्ल्याचे मुख्यमंत्री डॉ. सावंत हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
