भांगरभूंय | प्रतिनिधी
भांगरभूंय I प्रतिनिधी
पणजी : राज्यांतले प्रलंबीत आनी नियोजीत कामां मार्गाक लावपा खातीर मुख्यमंत्री डॉ. प्रमोद सावंत बुधवारा सांजे 5 वरांचेर अाल्तिनो वयल्या जीएसटी भवनांत दोनूय जिल्होधिकारी, सगले उपजिल्होधिकारी आनी मामलेदारांच्यो बसका घेतले.
ह्या सगल्या वांगडा मुख्यमंत्री फाटल्या सोमारा बसका घेवपाचे आशिल्ले. पूण म्हादय विशीं आमदारांच्या बसकेचे नियोजन अचकींत थारिल्ल्यान मुख्यमंत्री डॉ. सावंत हांणी सोमारा सकाळीं फक्त सचीव आनी खातें मुखेलींच्यो बसका घेवन तांकां प्रलंबीत आनी नियोजीत कामांचे अहवाल सादर करपाचे निर्देश दिल्यात. लोकाभिमुखर प्रशासन, केंद्राच्या येवजण्यांची अंमलबजावणी, स्वयंपूर्ण गोंय मोहीम, शिंयाळें अधिवेशन, अर्थसंकल्प आदींच्या फाटभुंयेर हे बसकेंत चर्चा जातली, अशी म्हायती सुत्रांनी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
