भांगरभूंय | प्रतिनिधी
हरमल: सद्याचे धांवपळीचे जिणेंत मनीस राबतूच आसता. दुसर्यांचे मजतीक येवं येता ही कल्पनाच मनीस विसरून गेला. पूण दरेकान रक्तदान केल्यार कोणाच्याय तरी कामक आपलें रगत आयलां, हेंच समाधान आसप म्हत्वाचें, अशें प्रतिपादन निवृत्त शिक्षक आनी मांद्रें उदरगत परिशदेचे सचीव नारायण (भाई) नायक हांणी केलें.
मांद्रे रक्तदान गट, नामदेव हरमलकर ट्रस्ट आनी ध्रुव क्लब हांच्या जोड पालवान रक्तदान शिबिरांत ते उलयताले. ह्या वेळार मांद्रेंची सरपंच प्रिया कोनाडकार, डॉ. कोरगांवकार, पंचायत सचीव पाळणीव नामदेव हरमलकार, ट्रस्टाची भारती हरमलकार हाजीर आशिल्ली.
सुरवातेक डॉ. बाबासायब आंबेडकर आनी स्वातंत्रसैनीक स. नामदेव हरमलकार हांच्या फोटोक फुलांचो हार अर्पण केलो. सरपंच प्रिया कोनाडकार हांचे हस्तुकीं दिवली पेटोवन शिबिराचें उक्तावण जालें. सुत्रनिवेदन आनी उपकार अॅड. प्रसाद शहापुरकार हांणी केलें.
ह्या वेळार 19 दात्यांनी रक्तदान केलें. हें शिबीर येसस्वी करपाक आकाश दाभळे, तुषार गोवेकार, सुहास गावडे, साहिल दाभाळे आनी हेरांनी सहकार्य केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
