भांगरभूंय | प्रतिनिधी
बायलांचे संवसारीक हॉकी सर्ती पयलीं हॉकी इंडियान एफआयएच प्रो लिगे खातीर पंगडाची घोशणा केली. अणभवी गोलकीपर सविता पुनियाक मुखेली केल्या. जाल्यार टोकियो ऑलिंपिकांत पंगडाचें फुडारपण करपी राणी रामपालाचें पुनरागमन जालां. तशेंच निवड समितीन बलजीत कौराक संद दिल्या. प्रो लीग फुडल्या म्हयन्यांत बेल्जियम आनी नॅदरलॅण्ड ह्या देशांनी जातली. राणीन आपली निमाणी मॅच टोकियो ऑलिम्पिकांत खेळिल्ली. ते उपरांत दुखापतीक लागून पंगडांतल्यान भायर रावचें पडिल्लें. भारत सध्या प्रो लीग गुणतकट्यांत दुसरे सुवातेर आसा.
भारत आपली पयली मॅच 11 आनी 12 जूनाक येजमान बॅल्जियमा आड खेळटलो. ते उपरांत 18 आनी 19 जूनाक अर्जेंटिना आड खेळटलो. 21 आनी 22 जूनाक अमेरिका आड खेळटलो.
पंगडः (गोलकीपर) सविता (मुखेली), बिच्चू देवी, (डिफॅण्डर्स) दीप इक्का ग्रेस (उप मुखेली), गुरजीत कौर, उदिता, निक्की प्रधान, इशिका चौधरी, अक्षिता ढेकले, (मिडफिल्डर्स) नीशा, सुशीला चानू, मोनिका, नेहा, ज्योती, नवजोत कौर, सोनिका, सलिमा टेटे, बलजीत कौर, (फॉरवर्ड) वंदना कटारिया, लालरंसियामी, नवनीत कौर, शर्मिला देवी, संगीता कुमारी, दिपिका आनी राणी.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
