भांगरभूंय | प्रतिनिधी
भांगरभूंय। प्रतिनिधी
म्हापशेंः बार्देश तालुक्यांतल्या दर्या देगांनी पर्यटकांक उपद्रव थारवी फेरीवाले आनी विक्रेत्यांक धऱून संबदीत पुलीस स्टेशनाचे सुवादीन करपाची मोहीम उत्तर गोंय पर्यटक पुलिसांनी सुरू केल्या. हे कारवाये खाला 178 फेरीवाल्यांक धरून तांचेर गुन्यांव नोंद केल्यात. पर्यटन मंत्री रोहन खवंटे हांणी हालींच अशी कारवाय करपाचे संकेत दिल्ले.
कळंगुटे, बागा आनी वागातोर दर्या देगांनी उत्तर गोंय पर्यटक पुलीस विभागाचो उपअधिक्षक विश्वेश कर्पे हांच्या मार्गदर्शना खाला निरीक्षक दामोदर नायक हांच्या फुडारपणा खाला पुलीस पंगडान ही कारवाय केली. दर्या देगो लांब आशिल्ल्यान चलत वचून फेरीवाले आनी विक्रेत्यांक धरप कुस्तार आसात. मात पर्यटक पुलिसांनी दर्या देग पट्ट्यांत फेरीवाल्यांचेर कारवायो थांबोवपा खातीर ही कारवाय करून तांका धऱले.
पर्यटन वेवसाय कादयो 1982च्या गोंय नोंदणी कलमा खाला फावो ती कारवाय करपा खाती ह्या फेरीवाल्यांक संबंदीत पुलीस स्टेशनाचे सुवादीन केलें. फाटल्या एप्रील म्हयन्या सावन पर्यटक पुलिसां वतीन संबंदीत पुलीस स्टेशनांत 178 गुन्यांव नोंद केल्यात. पर्यटन वेवसाय नोंदणी कायद्याच्या कलम 25अ खाला 30 गुन्यांव, कलम 26 खाला 30 आनी दर्या देगेर सोरो पियेवपाच्या प्रकरणात 13 गुन्यांव नोंद केल्यात जाल्यार कॉप्टा कायद्या खाला 100 गुन्यांव नोंद केल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
