भांगरभूंय | प्रतिनिधी
खबरां संस्था
नवी दिल्लीः पश्चीम आनी दक्षीण विभागांत दुलीप करंड क्रिकेट सर्तीची फायनल जातली. सेमी फायनलींत पश्चीम विभागान मध्य विभागाक 270 धांवड्यांनी हारयलें. दक्षीण विभागान उत्तर विभागाक हारोवन फायनलींत प्रवेश केल्लो.
कोईम्बत्तूराक जाल्ले सेमी फायनलींत अजिंक्य रहाणेच्या पश्चीम विभागान मध्य विभागाक हारयलें. चवथ्या आनी निमाण्या दिसा पश्चीम विभागाचो स्पिनर शम्स मुलानीन दुसऱ्या डावांत 72 धांवड्यांत मध्य विभागाच्या 5 खेळगड्यांक आवट केलें. पश्चीम विभागान आपल्या पयल्या डावांत 257 धांवड्यो केल्ल्यो. मध्य विभागाचो पयलो डाव 128 धांवड्यांत सोपल्लो.
दुसऱ्या डावांत पश्चीम विभागान पृथ्वी शॉच्या 142 धांवड्यांच्या खुस्तार 371 धांवड्यो केल्ल्यो. मध्य विभागाक जैता खातीर तांणी 501 धांवड्यांचें लक्ष्य दिल्लें. ताचो फाटलाव करतना तांचो डाव 221 धांवड्यांत सोपलो. रिंक सिंहान सगल्यांत चड 65 धांवड्यो केल्यो. कुमार कार्तिकेय (39) आनी असोक मेनारियान (नाबाद 32) धांवड्यो केल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
