भांगरभूंय | प्रतिनिधी
नावेलीच्या रोझरी कॉलेजीन गोंय विद्यापिठा वतीन आयोजीत दादल्यांच्या तायक्वांदो आंतरम्हाविद्यालयीन तायक्वांदो सर्तीचें वस्तादपण जोडलें. फर्मागुडीचें गोंय अभियांत्रिकी म्हाविद्यालयाक उपवस्तादपण फावो जालें, जाल्यार फातोड्डेंच्या डॉन बॉस्को अभियांत्रिकी म्हाविद्यालयाक तिसरे सुवातेर समाधान मानचें पडलें.
सर्त ताळगांव पठारा वयल्या विद्यापिठाच्या ज्युबिली हॉलांत जाली. इनामां भेटवण सुवाळ्याक डॉन बॉस्को अभियांत्रिकी म्हाविद्यालयाचे शारिरीक शिक्षण आनी खेळां संचालक आवेर्तान बार्रेटो मुखेल सोयरे म्हूण उपस्थीत आशिल्ले.
वैयक्तीक गटांतलीं इनामां अशींः रुषाद नायक (54 कील वजन गट, चौगुले म्हाविद्यालय, मडगांव), सचिन कुमार (58 कील वजन गट, गोंय अभियांत्रिकी), एम अझय राज (63 कील वजन गट, रोझरी म्हाविद्यालय), तोषिथ आरोलकार (68 कील वजन गट, गोंय अभियांत्रिकी), हर्ष पंघाल (74 कील वजन गट, जीव्हीएम जीजीपीआर म्हाविद्यालय, फोंडें), कार्सन रॉड्रिग्स (80 कील वजन गट, डॉन बॉस्को अभियांत्रिकी), तन्यान जोशवा दी कोस्ता (87 कील वजन गट, रोझरी म्हाविद्यालय), क्लेसन बार्बोझा (87 परस चड कील वजन, रोझरी म्हाविद्यालय).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
