भांगरभूंय | प्रतिनिधी
महेंद्रसिंग धोनीच्या फुडारपणाखाला खेळपी चेन्नय सुपरकिंग्सान पांचवे खेपे आयपीएलाचें वस्तादपण जोडलें. अहमदाबादाच्या नरेंद्र मोदी क्रिकेट स्टेडियमाचेर पावसान आडखळ हाडिल्ले फायनलींत चेन्नय सुपरकिंग्सान आदलो वस्ताद गुजरात टायटन्साक निमाण्या बॉलाचेर हारयलो.
ह्या जैता सयत चेन्नय सुपरकिंग्सान पांच वस्तादपण जोडपी मुंबय इंडियन्साच्या विक्रमाची बरोबरी केली. चेन्नय सुपरकिंग्साक डकवर्थ-लुईस नेमा प्रमाण 15 ओव्हरींनी जैता खातीर 171 धांवड्यांची मोख मेळ्ळी. तांणी ती मोख निमाण्या बॉलाचेर मेळयली.
चेन्नय सुपरकिंग्साक फकत चकचकीत ट्रॉफीच मेळूंक ना. जाल्यार ताका 20 कोटी रुपया फावो जाले. जाल्यार उप वस्ताद गुजरात टायटन्साक 12.5 कोटी रुपयांचें इनाम फावो जालें. हाचे खेरीत तिसरे सुवातेर उरिल्ल्या मुंबय इंडियन्साक सात कोटी फावो जाले. चवथे सुवाते वयल्या लखनौ सुपर जायण्ट्साक इनाम म्हणून 6.5 कोटी रुपया मेळ्ळे.
आयपीएलाच्या पयल्या हंगामांत जैतिवंत पंगडाक 4.8 कोटी रुपया मेळिल्ले. त्याच वेळार उप वस्ताद थारिल्ल्या पंगडाक 2.4 कोटी रुपया मेळिल्ले. तेन्ना सावन इनामांची रक्कम साबार पटीन वाडल्या. पूण, फाटल्या कांय वर्सां सावन इनामांच्या रक्कमेंत वाड जावंक ना. फुडल्या वर्सा तातूंत वाड जावपाची शक्यताय आसा.
हेर वैयक्तीक इनामांः
1. इमर्जिंग प्लेयर ऑफ द इयर – यशस्वी जैस्वाल – 10 लाख रु
2. पर्पल कॅप – मोहम्मद शमी – 28 विकेट्स (10 लाख रुपये)
3. ऑरेंज कॅप – शुभमन गिल – 890 धांवड्यो (10 लाख)
4. हंगामातले सगल्यांत चड सके – फाफ ड्युप्लेसीस – 36 सके- 10 लाख रु.
5. गेम चेंजर ऑफ द सिझन – शुभमन गिल – 10 लाख रु
6. मोस्ट व्हॅल्युएबल प्लेयर – शुभमन गिल – 10 लाख रु
7. हंगामांतलो सगल्यांत लांब सको: फाफ ड्युप्लेसीस – 10 लाख रु.
8. कॅच ऑफ द सिझन – राशिद खान – 10 लाख रु
9. फॅरप्ले पुरस्कार – दिल्ली कॅपिटल्स
10. हंगामांतली सर्वोत्कृश्ट खेळपट्टी आनी मैदान – वानखेडे स्टेडियम आनी ईडन गार्डन्स – 50 लाख रु.
11. सुपर स्ट्रायकर ऑफ द सिझन – ग्लॅन मॅक्सवेल – 10 लाख रु
12. हंगामांतले सगल्यांत चड चवके- शुभमन गिल (85) – 10 लाख रु
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
