भांगरभूंय | प्रतिनिधी
भांगरभूंय प्रतिनिधी
पणजी : राज्य हवामान विभागाच्या अदमासा प्रमाण गोंयांत मॉन्सून सक्रीय जाला. शेनवारा दीसभर राज्यांतल्या विवीध वाठारांनी दडकांनी पावस पडलो. फुडल्या दोन दिसांत नेटाचो पावस पडपाची शक्यताय आसा. ते खातीर हवामान विभागान ‘ऑरेंज अलर्ट’ जारी केला.
गोंयांत मॉन्सून 12 जूनाक दाखल जालो. पूण अरबी दर्यांत आयिल्ल्या बिपरजॉय चक्रीवादळाच्या प्रभावाक लागून तो लांबणेर पडिल्लो. आतां बिपरजॉय चक्रीवादळाचो प्रभाव उणो जाले उपरांत बिरेस्ताराच्यान मॉन्सूनान गोंयांत हजेरी लायली. ताका लागून राज्यांत सकाळपासूनच राजधानी पणजी सयत सगल्याच वाठारांनी दडकांनी पावस पडलो.
फोंड्यां दडकांच्या पावसाक लागून पाठणें-बांदोडेंच्या अशोक नायक हांच्या घराचेर शुक्रारा सांजे झाड पडून घराचें लुकसाण जालें. पेठेचो वाडो-कोरगांवां पंप हावसाचेर वडाचें झाड पडून समीर शेट्ये हाच्या शेडीचें लाखभर रुपयांचें लुकसाण जालें. उजो पालोवपी दळाच्या जवानांनी बेगोबेग घडणूक सुवातेर धांव घेवन पडिल्लीं झाडां कुशीक काडून येरादारीक रस्तो मेकळो केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
