भांगरभूंय | प्रतिनिधी
मुख्यमंत्र्यांनी उक्तायलें दुख्ख
भांगरभूंय । प्रतिनिधी
पणजी : अहमदाबादांत विमान दुर्घटणेंच मरण आयिल्लां लोकांक आर्गा ओंपपा सयत गोंय सरकारान आयज 13 जूनाक एका दिसाचो दुखवटो जाहीर केला. हाका लागून आयज जावपी सरकारी कार्यावळी रद्द जाल्ल्याचें सरकारान कळीत केलां. राज्यपाल पी. एस. श्रीधरन पिल्लई, मुख्यमंत्री डॉ. प्रमोद सावंत, प्रदेश भाजप अध्यक्ष दामू नायक तशेंच हेरांनी विमान दुर्घटणे खातीर दुख्ख उक्तायलां.
भांगरभूंय । प्रतिनिधी
पणजी : अहमदाबादांत विमान दुर्घटणेंच मरण आयिल्लां लोकांक आर्गा ओंपपा सयत गोंय सरकारान आयज 13 जूनाक एका दिसाचो दुखवटो जाहीर केला. हाका लागून आयज जावपी सरकारी कार्यावळी रद्द जाल्ल्याचें सरकारान कळीत केलां.
राज्यपाल पी. एस. श्रीधरन पिल्लई, मुख्यमंत्री डॉ. प्रमोद सावंत, प्रदेश भाजप अध्यक्ष दामू नायक तशेंच हेरांनी विमान दुर्घटणे खातीर दुख्ख उक्तायलां.
अहमदाबादांत जाल्ले भिरांकूळ विमान दुर्घटणे खातीर म्हाका दुख्ख जाता. दुर्घटणेंत मरण आयिल्ल्या प्रवाशांच्या आत्म्याक शांती मेळूं. जखमींचें भलायकेंत बेगीन सुदारणा जावची, अशी हांव प्रार्थना करता.
पी. एस. श्रीधरन पिल्लई, राज्यपाल
अहमदाबादांत अॅर इंडियाचें विमान कोसळपाची घडणूक दुख्ख दिवपी आसा. दुर्घटणेंत मरण आयिल्ल्या प्रवाशांक आर्गां ओंपपा सयत तांच्या घरच्यां विशीं हांव दुख्ख उक्तायता.
डॉ. प्रमोद सावंत, मुख्यमंत्री
अहमदाबादांत जाल्ली विमान दुर्घटणा पुराय देशा खातीर दुख्ख दिवपी आनी धपको दिवपी घडणूक आसा. अपघातांत ज्या लोकांक मरण आयलां तांकां पक्ष तशेंच गोंयकारां वतीन हांव आर्गां ओंपता. पक्षाच्यो आयज गोंयांत जावपी सगळ्यो कार्यावळी रद्द जाल्ल्याचें हांव जाहीर करतां.
दामू नायक, प्रदेश भाजप अध्यक्ष
अहमदाबाद हांगा जाल्लो विमान अपघात ही पुराय देशाखातीर हादसो दिवपी घडणूक आसा. अपघातात मरण आयिल्ल्या प्रवाशांच्या आत्म्याक शांतीकाय मेळची, अशी हांव प्रार्थना करता.
श्रीपाद नायक, केंद्रीय मंत्री
प्रवाशां मदी गोंयकार आशिल्ल्याची खबर ना
अहमदाबादांत दुर्घटणा जाल्या अॅर इंडियाच्या विमानांत गोंयकार प्रवाशी आशिल्ल्याची खबर ना, अशी म्हायती एनआरआय आयुक्त अॅड. नरेंद्र सावयकार हांणी दिली. ही घडणूक धक्कादायक आनी दुख्ख दिवपी आसा. अपघातांत मरण आयिल्ल्यांक हांव आर्गां ओंपता, अशें अॅड. नरेंद्र सावयकार हांणी म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
