भांगरभूंय | प्रतिनिधी
येजमान ऑस्ट्रेलिया आनी दक्षीण आफ्रिका ह्या पंगडां मदीं कालच्यान सिडनी क्रिकेट मैदानाचेर तिसरी टॅस्ट मॅच सुरू जाली. पयल्या दिसाचो खेळ सोंपलो त्या वेळार ऑस्ट्रेलियान आपल्या पयल्या डावांत 2 विकेटी वगडावन 147 धांवड्यो केल्यात.
उस्मान ख्वाजा 54चेर खेळटा. ताच्या वांगडा स्टिव स्मिथ आसा. मार्नस लाबशेन 79 धांवड्यो करून बाद जालो. डॅव्हीड वॉर्नराक फकत 10 धांवड्यो करप शक्य जाल्यो.
लाबशेनाचो हो 14वो अर्द शेंकडो थारलो. ताणें 151 बॉलांनी 13 चवक्यांचे मजतीन 79 धांवड्यो केल्यो.
ऑस्ट्रेलियेची सुरवात बरी जाली ना. 12 धांवड्यांचेर ताका पयलो धपको बसलो. डॅव्हीड वॉर्नराक नोर्त्यान बाद केलो. ते उपरांत ख्वाजान लाबशेना वांगडा मेळून डाव सांबाळ्ळो.
आफ्रिकेक दोनूय विकेटी नोर्त्यान मेळोवन दिल्यो. ताणें वॉर्नरा खेरीत लाबशेनाक लेगीत तंबूची वाट दाखयली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
