भांगरभूंय | प्रतिनिधी
रिणाच्या प्रकरणांतल्यान सोंपयलो संवसार
कुंकळ्ळी, कारवार: गोंयांत राबित्याक आशिल्ले कारवार गोपशिट्टा हांगासरल्या एकाच कुटुंबांतल्या तिगांनी आत्महत्या केल्ल्याची घडणूक घडली. रिणाच्या प्रकरणांतल्यान आत्महत्या केल्ल्याचो दुबाव उक्तायतात.
घरकान्न ज्योती पाटील (37) आनी पूत दक्ष पाटील (12) हांणी कारवारचे काळी न्हंयच्या पुला वयल्यान उडी मारून आत्महत्या केली. जाल्यार कुंकळ्ळे श्याम पाटील हांणी आत्महत्या केली. दक्ष आनी ज्योती हांची कूड देवबाग दर्यादेगेर सांपडली.
मेळिल्ले म्हायती प्रमाण श्याम पाटील हांणी कंपनी घालपा खातीर रीण घेतिल्लें. तांचेर सुमार दोन कोटी रुपयांचें रीण आशिल्ल्याची मुळावी खबर आसा.
मेळिल्ले म्हायती प्रमाण तांणी कारवारचे काळी न्हंये वेल्या पुला वयल्यान आपले घरकान्नीक आनी पुताक धुकलून दिली, आनी उपरांत कुंकळ्ळे वचून तांणी स्वता आत्महत्या केली. ह्या प्रकरणांत चित्ताकूल (सदाशिवगड) पुलीस अदीक तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
