भांगरभूंय | प्रतिनिधी
फोंडें: उसगांवां सर्कला कुशीक घातक फोंडकुलां निमाणें शुक्रारा बांदकाम खात्यान दखल घेवन पुरयलीं. फाटल्या कांय दिसां सावन फोंडकुलां येरादारीक घातक थारतालीं. फोंडकुलांत उदक भरत आशिल्ल्यान वाहन चालकांक फोंडकुलांचो अदमास येनाशिल्लो. फोंडकुलां पुरयिल्ल्यान वाहन चालक तशेंच थळाव्यांनी समाधान उक्तायलें.
फोंडकुलांनी भरिल्लें सर्कल फाटल्या कांय दिसां सावन वाहन चालकां खातीर तकलीफोड जाल्ली. बांदकाम खात्याच्या अभियंत्यांनी आनी थळाव्या पंचायतीचे सरपंच नरेंद्र गांवकार हांणी फुडाकार घेवन घातक फोंडकुलां पुरोवपाक मजत केली. रातच्या वेळार फोंडकुलांनी पावसाचें उदक भरून उरत आशिल्ल्यान वाहन चालकांक फोंडकुलांचो अदमास येनाशिल्लो. ताका लागून रातच्या वेळार खूबशे दुचाकी चालक फोंडकुलांनी पडून किरकोळ जखमी जावपाचें प्रकार घडिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
