भांगरभूंय | प्रतिनिधी
चीनाक आव्हान दिवपा खातीर भारताचो अर्ज
कोलंबो, खबरां संस्था ः भारत आनी चीन ह्या दोनूय देशां मदीं हिंद म्हासागराच्या दर्यातळाचो सोद घेवप आनी खणकाम करपाची सर्त नेटान वाडत आसा. दोनूय देशां कडेन दशकां सावन हिंद म्हासागरांतल्या कांय वाठारांनी दर्याच्या तळातल्यान मेळपी निकेल, मँगनीज, तांबें ह्या धातूं खातीर खणपाचे हक्क आसा.
हिंद म्हासागरांत मोलादीक खनीज क्षेत्रां आसपा वांगडाच हो दोनूय देशांचो भूंय -राजनीतीक आनी सुरक्षेचोय प्रस्न आसा. अंदूं जानेवारींत भारत सरकारान इंटरनॅशनल सीबेड अथॉरिटीकडेन (आयएसए) दोन नव्या येवजण्यां खातीर अर्ज केला. भारतांतलो एक अर्ज मध्य हिंद म्हासागरांत 10 हजार चौ. किमी वाठारांत विस्तारीत म्हासागर कटक (कार्ल्सबर्ग कटक) वाठाराचो आसा. दुसरें, आफानसी-निकितिन सीमाउंटच्या कोबाल्ट-समृद्ध फेरोमँगनीज आवरणांचें ३ हजार चौ. किमी. क्षेत्रफळ आसा. ह्या दोनूय वाठारांनी चीनाक खणकामाचो हक्क ना. श्रीलंकेचो निवृत्त अॅडमिरल आनी हायड्रोग्राफर वायएन जयरत्नाच्या मतान भारतान ह्या वाठारांचो अर्ज करपा फाटलें मुखेल कारण म्हणल्यार चीनाचेर बंदी घालप.
भारता कडेन दोन खण कबलात
हिंद म्हासागरांत भारताच्यो दोन खण कबलाती आसात. पयली 24 मार्च 2027 आनी दुसरी 25 सप्टेंबर 2031 दिसा सोंपता. चीना कडेन दोन वाठारां खातीर परवाने आसात. फाटले दशकां सावन ते हांगा खणकाम करतात.
श्रीलंका, मालदीवज मुखेल समस्या
हिंद म्हासागरांत भारत आनी चीन हांचे मदीं वाडत वचपी सर्तीक लागून दोनूय देशां कडेन बरे संबंद आशिल्ल्या श्रीलंका आनी मालदीव कठीण परिस्थितींत पडलां. फुडल्या वर्सांनी दोनूय देशांच्या बोटींचो आंकडो वाडटलो तेन्ना ह्या देशांक भारत वा चीन हांचे मदल्यान एक निवड करची पडटली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
