भांगरभूंय | प्रतिनिधी
वर्साचे बाराय म्हयने बाजारांत मेळपी फळ म्हणल्यार केळें. हें फळ रुचीक तशेंच भलायके खातीरय फायदेशीर आसा. मात तें सैमीक पद्दतीन पिकयिल्लें आसपास जाय. चडशीं केळीं रसायन लावन वा चुनो लावन पिकयिल्लीं आसतात. ताका लागून तीं खातना मदीं घट लागतात. ह्या हंगामांत केळीं खाल्यार जायतीं दुयेंस टाळूंक मेळटात. मॅग्नेशियम, पोटॅशियम, व्हिटॅमिन बी 6 आनी हेर जायतीं पोशक तत्वां केळ्यांत मेळटात जीं पचन आनी काळजाचे भलायके खातीर बरीं आसतात.
पचनक्रिया सुदारता : गिमाच्या दिसांनी लोकांक पचनाचे त्रास जातात. अशे परिस्थितींत केळें खाल्यार पचन बरें जाता. पचनक्रिया सुदारून तुमी जायत्या गंभीर दुयेंसांक टाळूंक शकतात. देखून दर दिसा एक केळें खावप फायद्याचें.
मोडशे खातीर फायदेशीर : ह्या हंगामांत उश्णतायेक लागून लोकांक मोडशी, हागवणीचो (लूज मोशन) त्रास जाता. अशा वेळार केळें खाल्यार तांतूतल्यान रोखडीच सुटका मेळूंक शकता. पूण तें काळ्या मिठांत मिक्स करुन खावपाक जाय. तशेंच केळ्या वांगडा साकरेचे कांय कण खाल्यारय तुमकां फायदो जातलो.
रगत पातळ दवरता : केळीं कुडींतले रगत पातळ दवरपाक मजत करता. तशेंच केळें खाल्ल्यार रगताचो प्रवाह सुदारता. केळ्यांत मॅग्नेशियम आसता जें रगतांतलें कोलेस्टेरॉल उणें करता. कोलेस्टेरॉलाचें प्रमाण उणें जातकच रगतपेशींतली रगताची येरादारी सुदारता.
बद्धकोश्ठते खातीर फायदेशीर : बद्धकोश्ठतेच्या दुयेंती खातीर (कोट्याची पिडा, संडासाक सारकें जावप ना.) केळीं खावप हें संजीवनी वखदी वनस्पती सारकें. केळीं खाल्यार बद्धकोष्ठतायेची समस्या सोंपता. हे खातीर केळ्या वांगडा दूद पियेवचें. सदां रातीं न्हिदच्या आदीं हें केल्यार बद्धकोष्ठते पसून सुटका मेळटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
