भांगरभूंय | प्रतिनिधी
पोट सुजता, वजन उणें जाता, थकता जाल्यार ताचे कडेन आडनदर करची न्हय. हीं इंफ्लेमेट्री बाउल डिसीजचीं (IBD) लक्षणां आसूं येतात. ताचेर वेळार उपचार जावंक ना जाल्यार ताका लागून कॅन्सर जावपाक शकता. संवसारभर सुमार ५० लाख लोकांक आयबीडीचो त्रास जाता. हो एक दीर्घकाळ चलपी रोग आशिल्ल्यान ताका लागून आंतकड्यांनी सूज येता आनी बरेंच दुखता.
PLOS Medicine ह्या वैजकी नेमाळ्यांत हालींच उजवाडाक आयिल्ल्या एका अभ्यासांत हे बाबतींत म्हायती दिल्या. ते प्रमाण आयबीडी धोक्याची जावचे पयलीं सुमार एक वर्स आदीं सोदूंक शकता. लक्ष दिल्यार लक्षणां पयलींच दिसूंक शकतात.
आयबीडीक लागून कॅन्सर कित्याक जाता?
ताचीं लक्षणां मुळव्याध सारकीं कित्याक आसतात?
आयबीडी बरी जावंक शकता?
आयबीडी दुयेंसां मदीं भारतात दुसरो क्रमांक
अमेरिकेंत आयबीडीच्या दुयेंसाचे सगळ्यांत चड दुयेंती. रोग नियंत्रण आनी प्रतिबंध केंद्रांच्या आकड्या प्रमाण, अमेरिकेंत ३ दशलक्ष लोक आयबीडीच्या जाळ्यांत घुस्पल्यात. जाल्यार भारतांत सुमार २.७ लाख लोकांक आयबीडीची पिडा आसा. संवसारांत आयबीडीची पिडा आशिल्ल्या लोकांचो आंकडो भारतांत दुसर्या क्रमांकाचेर आसा.आमी हालींच्या काळांत जायत्या दुयेंसांचेर मात केल्यात. पूण आयबीडीचीं मूळ कारणां वळखप जायनाशिल्ल्यान दर दिसा हें एक नवें कोडें निर्माण करता.
अभ्यास कितें सांगता?
आयबीडीच्या एका नव्या अभ्यासा प्रमाण, पोटाच्या समस्यांक लागून ह्या दुयेंसा कडेन निर्देश करपी कांय लक्षणां मेळ्ळ्यार, डॉक्टरां कडेन उलोवन तीं वेळार वळखूं येता. आयबीडीक लागून जावपी समस्यांचेर वेळार उपचार करून ताचे मात करूं येता.
आयबीडी म्हळ्यार कितें?
इंफ्लेमेट्री बाउल डिसीज (आयबीडी) हें पचनसंस्थे कडेन संबंदीत दुयेंस जावन आसा. जाचीं सुरवातेचीं लक्षणां खूब सामान्य आसतात, ताका लागून कोणूच ताचेर लक्ष घालीना. मागीर तें गंभीर जाता आनी ताचेर वेळार उपचार मेळनाशिल्ल्यान वजन उणें जावप, कुपोषण आनी केन्नाय कॅन्सर लेगीत जावपाक शकता.
आयबीडीचे दोन प्रकार
आदलें दुयेंस आयबीडी हो मुखेलपणान दोन तरेचो आसता, क्रोहन रोग आनी अल्सरेटिव्ह कोलायटीस.
क्रोहन रोग: ही समस्या पचनमार्गांत खंयूय जावपाक शकता. ताका लागून दुयेतींक पोटांत धवळपा सयत लहान आतड्यां मेरेन सूज येता.
अल्सरेटिव्ह कोलायटिस: हातूंत सामान्यपणान व्हडल्या आंतड्यात वा गुदाशयात धवळपाक लागता आनी हें धवळप फकत कोलनच्या अस्तरात जाता.
पोटांतली सूज आनी जखमांचेर दीर्घकाळ उपचार करिना जाल्यार केन्नाय कॅन्सर जावपाक शकता.
आयबीडी फाटलीं नेमकीं कारणां आजून स्पश्ट जावंक ना. मात अश्या खुबश्या घटकांची बरीच व्हड वळेरी आसा. जाका लागून हें घडपाक शकता. ज्या लोकांक आयबीडीचो कुटूंबीक इतिहास आसा तांकां आयबीडीचो सगळ्यांत चड धोको आसतो.
वायट जिणे पद्दत
न्हीद येना आनी वेळार जागो जायना अशा लोकांकय ही समस्या येवंक शकता. न्हीद उणी आनी व्यायामाचो उणाव हाका लागून वजन वाडटा आनी ताण येता. जाका लागून मागीर आयबीडी जाता.
खावपाच्या वायट सवयींक लागून
चड तळिल्लें जेवण, पॅक केल्लें जेवण, जंक फूड हांचोय आयबीडी जावंक शकता. कारण ह्या खाणाक लागून पचनाचे त्रास जातात. जाका लागून सुज आनी घावे जावं येता.
दुबळी रोगप्रतिकार शक्तूय आयबीडीचें कारण आसूं येता. आमची रोगप्रतिकार शक्त रोगांपसून राखण दिता. जेन्ना तो दुबळो जाता तेन्ना पचन तंत्रांतल्यो बॅक्टेरिया लेगीत समस्या निर्माण करपाक शकता. ऑटो-इम्युन सिस्टीमांत त्रुटी आयल्यारय हो रोग जावं येता. अशें जाता तेन्ना तुमचीं प्रतिपिंड कुडीचेर हल्लो करतात.
धुम्रपान वा भायल्या प्रदुशणाचो अन्न नलिका आनी आंतकड्यांचेर वायट परिणाम जाता. हाका लागून सुज आनी फोड येवंक शकतात. हाका लागून आयबीडी जावपाची लक्षणां वाडटात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
