भांगरभूंय | प्रतिनिधी
हरमल, बातमीदार : मांद्रें -केरीच्या मुखेल रस्त्यार हरमल वाठारांत हेडगीं गोरवां वाडिल्ल्यान हांगा येरादारीची गचमुड्डी जाता. ताका लागून वाहन चालकांनी तिडक उक्तायल्या.
कोंडवाड्या वयली समस्या दरेका पंचायत वाठारा खातीर त्रासाची थारल्या. हांगा गोरवां रस्त्याचेर बसून रावतात. ताका लागून वाहन चालकांच्या हॉर्नांच्या आवाजान आवाजाचें प्रदुशण जाल्ल्यान लोक तिडक उक्तायतात. कांय जाणांक काळखांत गोरवां दिसूंक नाशिल्ल्यान अपघातूय जाल्यात. मात ते किरकोळ आशिल्ल्यान कोणाक कांय जावंक ना. सरकार कोंडवाडे करात, अशें म्हणटा. मात पंचायतींक जागो मेळना. कारण आतां राज्यांत मेकळे जागेच उरूंक नात. बरें मोल मेळटा म्हूण ते विकून उडयल्यात, अशें एका तरणाट्यान सांगलें.
हेडग्या गोरवांक लागून अपघातांचो आंकडो वाडिल्ल्यान पंचायत समितीन हे संबंदी कितेंय उपाय काडचो अशी मागणी सगळ्या लोकांक कडल्यान जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
