गणेश दर्शन – 5
भांगरभूंय | प्रतिनिधी
चवथ सुरू. गणराया घराघरांनी, वाड्यावाड्यार सार्वजनीक मंडळांनी विराजमान जाला. घुमटां, कांसाळें, शमेळीच्या तालार गोंयकार रंगला. फुगड्यांचीं गीता कानार पडटात. माटोळी ल्हवच येवपी दरेका सोयर्यां धायर्यांचेर नदर घालता. धुपाच्या परमळान आत्मो तृप्त जाला. भुरग्यांचीं धुमशेणां सोंपना. राज्यांत सगळे कडेन खोशयेचें वातावरण निर्माण जालां. ह्या सगळ्या खीण चित्रांक आमच्या प्रतिनिधींनी कॅमेर्यांत कैद केल्यांत. चवथीच्या ह्या उमेदीच्या काळांत कांय फोटो तुमचे मेरेन पावोवपाचो आमी कांय दीस यत्न करतले. चलात घालुया आयच्या कांय फोटवांचेर नदर.
सर्वानंद सावंत देसाय हांचो गणपती.
वारभाट, बांदोडें- फोंडेंच्या धर्मेश कवळेंकार हांणी केल्ल्या किल्ल्याच्या देखाव्यांत विराजमान गणराया.
ताम्हणकार परिवाराचो ६०वो गणेशोत्सव.
सांतेरी कला मंदीर हंसापूर अध्यक्ष सुहास रा. मळीक आनी चांदेलाची आदली पंच वांगडी सुहाना मळीक हांच्या घरांतलो गणपती.
कुडचडें – काकोडें श्री सार्वजनीक गणेशोत्सव मंडळ.
कुडचडें पुलीस स्टेशना वयलो सार्वजनीक गणपती.
शिवोली वुमन्स मल्टीपर्पज को-ऑपरेटिव्ह सोसायटीची चेअरमन पल्लवी दाभोळकार हांचो गणेशोत्सव.
आदली मंत्री संगीता परब आनी आदले सरपंच गोपाळ परब आनी परिवार हांचे घरा पुजिल्लो श्री गणेश आनी नवनाथ देखावो. ह्या कुटुंबांतल्या ७० वांगड्यांनी मेळून हो देखावो तयार केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
