भांगरभूंय | प्रतिनिधी
महाराष्ट्र, खबरां संस्था ः फाटल्या कांय म्हयन्यां सावन महाराष्ट्रांत शेतकारांक सतत नव्या आव्हानांक तोंड दिवचें पडटा. हुंवार, दुकळ, शेतकी उत्पादनाची हमी नाशिल्ल्यान अशा जायत्या कारणांक लागून शेतकाराक त्रास जाता. मजगतीं, महाराष्ट्रांत शेतकाऱ्यांची आत्महत्याचे प्रमाणूय वाडलां. फाटल्या सात म्हयन्यांत महाराष्ट्रांत 1555 शेतकारांनी आत्महत्या केल्यात. विधीमंडळांतले विरोधी पक्ष फुडारी विजय वडेट्टीवार हांणी राज्यांतल्या शेतकारांनी आत्महत्या केल्ल्याची खात्या प्रमाण आंकडेवारी दिल्या.
काँग्रेसी सयत राज्यांतले विरोधी पक्ष राज्यांत दुकळ जाहीर करचे अशी मागणी सतत करतात. मजगतीं, काँग्रेस फुडारी विजय वडेट्टीवार हांणी ट्विट केलां. तांणी सांगलां की राज्यांत 1 जानेवारी ते 31 जुलय मेरेन 1,555 शेतकारांनी आत्महत्या केल्या. अमरावती विभागांत चडश्या शेतकारांनी आत्महत्या केल्यात.
आत्महत्याची आंकडेवारी
फाटल्या 7 म्हयन्यांत ह्या विभागांत 637 शेतकारांनी आत्महत्या केल्यात. औरंगाबाद विभागांत 584 शेतकारांनी तर नाशिक विभागांत 174 शेतकारांनी आत्महत्या केल्यात. नागपूर विभागांत 144 आनी पुणे विभागांत 16 शेतकारांनी आत्महत्या केल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
