भांगरभूंय | प्रतिनिधी
सध्या लोक खूब व्यस्त जाल्यात, म्हयन्याक एक फावट तपासणी करपाक थोडेच लोक दोतोरा कडेन वतात. पूण ह्या दिसांनी पातळिल्ल्या दुयेंसांचेर आळाबंद हाडपाक आनी तांकां तोंड दिवपाक म्हयन्याक एक फावट तपासणी करप खूब गरजेचें जालां. अशे परिस्थितींत दोतोरा कडेन वचूंक मेळना जाल्यार दोतोर तुमचे कडेन येवंक शकता जाल्यार कितलें बरें जातलें? हय, आयज आमी तुमकां अशे कांय अॅप्स सांगतलीं, जाका लागून तुमकां घरांत बसून दोतोरा कडेन उलोवपाची संद मेळटली, खंयचीय चांचणी करपाची गरज आसल्यार घरांतल्यान रगताचे नमुने घेतले.
Healthians
भारतांत हो अॅप कमी खर्चांत डायग्नोस्टीक- स्कॅन चांचण्यो आनी घरांत दोतोराचो सल्लो घेवपाची वेवस्था करता. वेगान आनी अचूक अहवाल दिवपाक उच्च तंत्रज्ञान वापरता. ह्या अॅपाक गूगल प्ले स्टोराचेर ४.६ रेटींग मेळ्ळां. आतां मेरेन १० लाखां परस चड वापरप्यांनी हो अॅप डावनलोड केला.
Dr Lal PathLabs & Blood Test
डॉ लाल पाथलॅब्स हो एक विस्वासपात्र डायग्नोस्टीक हेल्थकेअर अॅप रगत तपासणी, होम कलेक्शन, कोविड टेस्ट, होम सॅम्पल कलेक्शन, गोडेंमूत, थायरॉयड चांचणी, ऍलर्जी तपासणी, फिवर पॅकेज आनी हेर गजाली दिता. गूगल प्ले स्टोराचेर ह्या ऍपाक ३.५ रेटींग मेळ्ळां आनी आतां मेरेन १० लाखां परस चड वापरप्यांनी हो ऍप डाउनलोड केला.
Davis’s Lab & Diagnostic Tests
ह्या अॅपाचेर तुमकां घरांतल्यान जायत्यो सुविधा मेळटात. हाचो अर्थ तुमचो उपचार घरांत करूं येता, भायर वचपाची लेगीत गरज ना. गूगल प्ले स्टोराचेर ह्या ऍपाक ३.६ रेटींग मेळ्ळां.
कळोवणी : ह्या अॅप्लिकेशनांची म्हायती प्लॅटफॉर्माचेर दिल्ल्या तपशीला प्रमाण आसा, हें लक्षांत दवरात, खंयचोय अॅप डावनलोड करचे पयलीं उपकार करून स्वता तपासात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
