भांगरभूंय | प्रतिनिधी
छत्रपती संभाजीनगर, खबरां संस्था : छत्रपती संभाजीनगरांत (आदलें औरंगाबाद) काळजाक पीळ घालपा सारकी घडणूक घडली. दोग भावांनी सख्खे भयणीचो कुराडीन खून केलो. तिच्या प्रेम संबंदाक विरोध आशिल्ल्यान तांणी तिची हत्त्या केल्ल्याची म्हायती पुलिसांनी दिल्या. इतलेंच न्हय तर ह्या खून करपी भावांक तांच्या आवय-बापायचेंय फाटबळ आशिल्ल्याचें कळून आयलां.
चवगांचेरूय गुन्यांव नोंद
ही घडणूक शेनवारा सकाळीं सोयगांव तालुक्यांत घडली. खून केल्ले चलयेचें नांव चंद्रकला धोडिंबा बावस्कर (३५) अशें आसा. ह्या प्रकरणांत वट्ट ४ जाणांचेर गुन्यांव नोंद जाला. आरोपी मदीं चलयेचे भाव कृष्णा बावस्कर आनी शिवाजी बावस्कर, बापूय धोडिंबा सांडू बावस्कर आनी आवय शेवंताबाई बावस्कर हांचो आस्पाव आसा.
प्रेम संबंद आशिल्ल्याचो दुबाव
पुलिसांनी दिल्ले म्हायती प्रमाण, चंद्रकलाचे प्रेम संबंद आशिल्ल्याचो दुबाव तिचे आवय- बापायक आनी भावांक आशिल्लो. शेनवारा सकाळीं शमीम शाह, कासम शाह (३०) हे आपल्या शेतांत काम करताले. ह्या वेळार अचकीत चंद्रकला थंय धांवून आयली. चंद्रकला भियेल्ली अशें शमीमान सांगलां. धांवून येतांच तिणें शमिमाक म्हणलें, ‘प्रेमसंबंदाक लागून भाव आनी आवय- बापूय म्हजो जीव घेवपाचे आसात. ताका लागून म्हाका वाचय, खंय तरी लिपोवन दवर.’ चंद्रकलान ही विनवणी करतांच शमीमान तिका आपल्या बोकड्यांच्या गोठ्यांत लिपून रावपाक सांगलें.
कांय वेळान चंद्रकलाचे भाव कृष्णा आनी शिवाजी थंय आयले. ताच्या हातांत कुर्हाड आशिल्ली. चंद्रकला खंय आसा? तांणी शमीमाक विचारलें. ते उपरांत तांणी बोकड्यांच्या शेडींत वचून सोद घेतलो आनी चंद्रकलाक सोदून भायर हाडली. दोगांय भावांनी चंद्रकलाक मारपाक सुरवात केली. हातांत आशिल्ली कुर्हाड तिचे तकलेर घाली. तिका जाग्यारुच मरण आयलें.
जिवें सोडूं नाका, बापायन सोडले आदेश
मजगतीं, चंद्रकलाचो बापूय कांय वेळान थंय पावलो. ताणें भावांक चंद्रकलाक जिवी सोडची न्हय अशें सांगलें आनी त्याच वेळार शमीमाकय ते मारपाक लागले. पूण शमीम बापायच्या चपक्यांतल्यान सुटलो. उपरांत ताणें पुलिसांक हे विशीं म्हायती दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
