भांगरभूंय | प्रतिनिधी
रिओ दे जानेरियो, खबरां संस्था: ब्राझिलाक शेनवारा जाल्ल्या विमान अपघातांत पायलट आनी प्रवाश्यां वांगडा १४ जाणांक मरण आयलें. मरण आयिल्ल्यां मदीं ब्राझील आनी अमेरिकेंतल्या प्रवाशांचो आसपाव आसा. सगळे प्रवासी बार्सिलोनांत नुस्तेमारी खातीर वताले.
हो अपघात बार्सेलोस हांगा जालो. ब्राझीलाच्या नागरी संरक्षणान सगळ्यांक मरण आयिल्ल्याचें सांगलां.
ब्राझीलाचे मिडिया प्रमाण, अपघाताच्या वेळार व्हड प्रमाणांत पावस पडटालो. वायट हवामानाक लागून विमान लँडींग अदमास चुकिल्ल्यान हो अपघात घडिल्ल्याचें समजता.
१८ प्रवाशांची तांक आशिल्लें ईएमबी-११० नांवाचें हें विमान मानोस टॅक्सी एॅरो कंपनीचें आशिल्लें. हें विमान मनाउस सावन बार्सिलोनाक वचपाचें आशिल्लें. ९० मिनटांचो प्रवास आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
