भांगरभूंय | प्रतिनिधी
पणजी, प्रतिनिधी : आदिवासी समाजाचे उदरगती खातीर आरक्षण दिवप गरजेचें आसा, अशे मुख्यमंत्री डॉ. प्रमोद सावंत हांणी म्हणलां. छत्तीसगढांत भाजपाचे परिवर्तन यात्रेत ते वांटेकार जाल्यात. ताचे पयलीं जाल्ले पत्रकार परिषदेत उलयतना तांणी आरक्षणाची गरज उक्तायली.
डॉ. सावंत हांणी केंद्र सरकारचे येवजणेंचो उल्लेख केलो. मुद्रा येवजण, जन धन येवजण, इंदिरा आवास हे सारक्या कल्याणकारी येवजणेंक लागून देशांतल्या कोट्यांनी गरिबांची स्थिती सुदारल्या. स्किल इंडिया, नितळसाण मोहिमेक लागून देशांत सकारात्मक बदल जाल्यात. छत्तीसगढ राज्याचे उदरगती खातीर डबल इंजिन सरकार सत्तेंत येवपाची गरज आसा, अशे डॉ. प्रमोद सावंत हांणी सांगलें.
जन परिवर्तन यात्रे खातीर आयज आनी फाल्यां अशे दोन दीस मुख्यमंत्री छत्तीसगढ राज्यांत आसतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
