भारतांतले पयलें फिश थीम पार्क सिंधुदुर्गात सुरु
भांगरभूंय | प्रतिनिधी
सावंतवाडी, प्रतिनिधी ः भारतांतले पयलें ‘फिश थीम पार्क’ स्थापन करपाचो भोवमान सिंधुदुर्ग जिल्ह्याक मेळ्ळा. हाचें उक्तावण 11 सप्टेंबराक जालें. ह्या थीम पार्कांत नागरिकांक वेगवेगळे प्रकारचे रंगीत नुस्तें, गोड्या आनी खाऱ्या उदकांतलें नुस्तें, देशांतले आनी परदेशांतले वेगवेगळे प्रकारचे नुस्तें पळोवपाक मेळटलें.
सावंतवाडी तालुक्यांतल्या केसरी- फानसावडे हांगा हें केएसआर ग्लोबल एक्वेरियम स्थापन केलां. विशेश म्हळ्यार ह्या फिश थीम पार्काचो पयलो टप्पो पुराय जाला, जाचो शिक्षणीक नदरेन विद्यार्थ्यांक फायदो जातलो. हांगां नुस्त्यांक खावपाक घालपाची पद्दत आनी ल्हान तळें लेगीत तयार केला. नुस्त्याच्या मोगींक ह्या तळ्यांत नुस्तें धरपाचोय अणभव मेळटलो.
पार्कांत सुमार तीन हजार पांचशें नुस्त्यांच्यो जाती आसात. सिंधुदुर्ग जिल्हो हो महाराष्ट्रांतलो पयलो पर्यटन जिल्हो. हो जिल्हो फकत सैमीक अद्भुतांनी भरिल्लो ना, पूण उदकांतले खेळ आनी पर्यटनाचे नदरेन उपेगी पडपी हेर जायते उपक्रम हांगा जातात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
