भांगरभूंय | प्रतिनिधी
पणजी, खबरां मेज : कर्नाटकांत अजूनय भ्रश्ट भाजप सरकार राज्य करता अशें गोंयचे मुख्यमंत्री डॉ. प्रमोद सावंत हांका दिसता आसुये. भ्रश्टाचार सोंपोवपा खातीर कर्नाटकांतल्या लोकांनी काँग्रेस सरकार वेंचून काडलां. कर्नाटकाचे मुख्यमंत्री सिद्धरामय्या हांणे आपल्या अधिकाऱ्यांक गोंयांतल्यान कर्नाटकांत जावपी सोऱ्याची तस्करी बंद करपाचो आदेश दिला. डॉ. सावंत हाची दखल घेवन सोरो माफीयांचेर कारवाय करतले, असो प्रस्न विरोधी पक्षाचे फुडारी युरी आलेमाव हांणी केला.
गोंयांतल्यान बेकायदेशीर सोऱ्याची तस्करी आडावपा खातीर सिद्धरामय्या हांणी अबकारी अधिकाऱ्यांक दिल्ल्या सुचोवण्यांचेर प्रतिक्रिया दितना गोंयांतल्या भाजप सरकारान मानवी तस्करी, ड्रग्स, प्रदुशण, धोकादायक पदार्थ आनी सोऱ्याची तस्करी करपा खातीर ‘ट्रांसीट हब’ तयार केल्ल्याचो गंभीर आरोप आलेमांव हांणी केलो.
आयज राज्याचे शिमेचेर सरकाराचें नियंत्रण ना. काळ्या हारशाच्या गाडयांनी मेल्ले चलयेक शिमे भायर व्हरतात आनी पुलिसांक कांयच कळना. हाचे वयल्यान सरकार आनी गुन्यांवकार हांचे मदीं हातमेळोवणी जाल्या असो आरोपूय युरी आलेमाव हांणी केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
