भांगरभूंय | प्रतिनिधी
म्हापशें: थिये एका बांदकाम थळार सुरक्षा रक्षकाचो मोबायल फोन चोरी केल्ल्या प्रकरणांत कोलवाळ पुलिसांनी रशीद अली अजाम मुल्ला (22, रा. नागवा, बार्देस) हाका अटक केली.
ही चोरयेची घडणूक बुधवारा 13 वेर फांतोडेर 3.30 वरांच्या सुमाराक घडिल्ली. कागाळदार संतोषकुमार जिसी (मूळ नेपाळ) हो बांदकाम थळार न्हिदिल्लो. त्या वेळार दुबावितान ताचो 10 हजारांचो मोबायल फोन चोरू व्हेल्लो.
घडणूक थळार सीसीटीव्ही फुटेजीच्या आदारान पुलिसांनी दुबाविताची वळख पटयली. उपरांत ताका शुक्रारा धरलो आनी अटक केली. ह्या प्रकरणाचो फुडलो तपास कोलवाळ पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
