भांगरभूंय | प्रतिनिधी
म्हापशें: नायकावाडो, कळंगूटे एका हॉटेल कामगारांचे कुडींतल्यान मोबायल चोरी प्रकरणांत पुलिसांनी दोगां दुबावीत चोरांक अटक केली आनी वट्ट देड लाखांचे 8 मोबायल फोन जप्त केले.
अटक केल्ल्यां मदीं रिझवान अजुजूल मुल्ला (24) आनी मोसैरुल्ल अल्ताफ मुल्ला (19) हांचो आस्पाव आसा. दुबावीत दिनाजपूर अस्तंत बंगालांतले आसून नायकावाडो कळंगूटे ते राबित्याक आशिल्ले.
ही चोरयेची घडणूक मंगळारा 12 वेर रातचीं 12.30 ते सकाळीं 8 वरां मजगतीं घडिल्ली. तिवायवाडो कळंगूटे फिश अॅण्ड करी ह्या बार रॅस्टोरंण्टाचो स्टाफरुम नायकावाडो कळंगूटे आसा. ह्या कुडींतल्यान कामगारांचे 79 हजारांचे चार मोबायल फोन चोरयेक गेल्ले. ह्या प्रकरणांत कागाळदार संजय कांदूरकर हाणें कळंगूट पुलिशेंत कागाळ दाखल केली.
ते प्रमाण पुलिसांनी चवकशी करून वयल्या दोनूय दुबावितांक अटक केली. चवकशे वेळार दुबावितांनी आपल्या गुन्यांवाची कबुली दिली. पुलिसांनी रितसर गुन्यांव नोंद करून दुबावितांक अटक करून वट्ट 8 मोबायल फोन जप्त केले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
