भांगरभूंय | प्रतिनिधी
गोवा टॅक्सी ॲप सेवा सुरू
पणजी, प्रतिनिधी : गोवा टॅक्सी ॲप सेवा ही पर्यटकां सयत सगळ्या लोकांक पुरक थारतली. बायलां तशेच पर्यटकां खातीर सेवा पुराय तरेन सुरक्षित थारतली. सेवेचो पुराय गोयांत विस्तार जातलो, अशे मुख्यमंत्री डॉ. प्रमोद सावंत हांणी स्पश्ट केला.
गोवा टॅक्सी ॲप सेवा आज सुरू जाली. ह्या वेळार पर्यटन मंत्री रोहन खवटे, पर्यटन उदरगत महामंडळाचे अध्यक्ष गणेश गावकार आनी हेर मानेस्त हाजिर आशिल्ले.
गोवा टॅक्सी ॲप हो गोंयकार टॅक्सीकारांचो ॲप आसा. तंत्रज्ञानाक कोणेच विरोध करचो न्हय. सगळ्या टॅक्सीकारांनी गोवा टॅक्सी ॲप सेवेत दाखल जावचे, अशें आवाहन मुख्यमंत्री डॉ. सावंत हाणी केले. ॲप सेवेक लागून पर्यटकांचो आकडो आनीक वाडतलो, अशेंय तांणी सांगलें.
गोंयांक दर्जेदार पर्यटकांची गरज आसा. पर्यटकांच्या प्रमाणा परस तांचो दर्जो महत्वाचो. मुळाव्यो सुविधा उपलब्ध करपा सयत योग्य दरांत टॅक्सी सेवा दिवपाची गरज आसली. ॲप सेवेक लागून पर्यटकांची म्हारग टॅक्सी ॲप सेवेची कागाळ पयस जातली. मोपा विमानतलार ॲप सेवा सुरू जाल्या. हे येवजणेंत पेन्शन, शिष्यवृत्ती अश्यो सुविधा आसात, अशे पर्यटन मंत्री रोहन खंवटे हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
